სამაუწყებლო ბადე

ხუთშაბათი 29 სექტემბერი
მუსიკა22:45აქცენტები ისტორიაში23:00ხაზის რადიო23:10
ვრცლად

გამოკითხვა

როგორ შეფასებდით ქართველი სპორტსმენების გამოსვლას რიოს ოლიმპიადაზე?
ყველა გამოკითხვა

მთავარი

მულტიმედია
სპორტული თოქ-შოუ ესტაფეტა
ქართული კრივის პრობლემები და სამომავლო გეგმები.
წაკითხვა
ღია სტუდია
"დემოკრატიული მოძრაობის" სოციალური და ჯანდაცვის პოლიტიკა
წაკითხვა
სპორტული თოქ-შოუ ესტაფეტა
სპორტი და ჯანმრთელობა
წაკითხვა
საინფორმაციო გამოშვება
საინფორმაციო გამოშვება
წაკითხვა
მიგრაციის მარშრუტები
ქართველი ქალი ამერიკაში - მაკა კვერენჩხილაძე
წაკითხვა
საღამოს პიკის საათი
პარტიების კომუნიკაცია საზოგადოებასთან საარჩევნო პროცესში - შეჯამება
წაკითხვა
უფლება და თავისუფლება
ანტიდისკრიმინაციული კანონმდებლობა და პრაქტიკა - მონიტორინგის შედეგები
წაკითხვა
შტრიხ-კოდი
სურსათის უვნებლობისა და ეტიკეტირების კონტროლის შედეგების გამჭვირვალობა
წაკითხვა
პოლიტიკა
სუს-მა დაკითხვაზე „ნაციონალური მოძრაობის“ კიდევ რამდენიმე წევრი დაიბარა
აკაკი მინაშვილის  და ნუგზარ წიკლაურის შემდეგ სუს-ი ინტერნეტში გუშინ გავრცელებულ ჩანაწერთან დაკავშირებით დაკითხვაზე ამჯერად პეტრე ცისკარიშვილს, გიგი წერეთელსა და ირმა ნადირაშვილს იბარებს.       სახელმწიფო უსაფრთხოების სამსახურის წარმომადგენლებმა შესაბამისი უწყებები პარტიის ოფისში წუხელ მიიტანეს, თუმცა „ნაციონალური მოძრაობის“ წევრებმა ის არ ჩაიბარეს.      სუს-ის მიერ გაგზავნილი უწყებების მიხედვით, ცისკარიშვილი, წერეთელი და ნადირაშვილი უწყებაში დღეს უნდა გამოცხადდნენ, თუმცა ისინი საგამოძიებო უწყებაში მისვლას არ აპირებენ და გამომძიებლებს მოუწოდებენ, „ნაციონალური მოძრაობის“ ოფისში თავად მივიდნენ.         გუშინ დაკითხვაზე „ნაციონალური მოძრაობის“ ორი წევრი - აკაკი მინაშვილი და ნუგზარ წიკლაური დაიბარეს, თუმცა უწყებაში არც ისინი გამოცხადდნენ.
წაკითხვა
პოლიტიკა
კალაძე: არ დავუშვებთ, რომ ვიღაცებმა ქვეყანაში გადატრიალება და სისხლისღვრა მოაწყონ
ჩვენ არ დავუშვებთ იმას, რომ ვიღაცებმა ქვეყანაში რაღაც გადატრიალებები და სისხლისღვრები მოაწყონ. ამის შესახებ „ქართული ოცნება - დემოკრატიული საქართველოს“ გენერალურმა მდივანმა კახა კალაძემ   განაცხადა.        მისი  თქმით,   ბოლო დროის განმავლობაში არაერთხელ იქნა გაკეთებული განცხადება, რომ იგეგმება გარკვეული პროვოკაციები.              „თუმცა მინდა გითხრათ, რომ არავის არაფერი არ გამოუვა. ჩვენ ვმოქმედებთ კანონის ფარგლებში. ჩვენთვის მთავარი ამოცანაა არჩევნების მშვიდობიან პირობებში ჩატარება, არჩევნების თავისუფალ გარემოში ჩატარება, სადაც ყველა პოლიტიკურ პარტიას მიეცემა შესაძლებლობა წყნარ გარემოში მიაწოდოს ყველა მოქალაქეს თავისი ხედვა ქვეყნის განვითარების შესახებ. ჩვენ არ დავუშვებთ იმას, რომ ვიღაცებმა ქვეყანაში რაღაც გადატრიალებები, სისხლისღვრები მიაწყონ“, - განაცხადა კალაძემ.        მისი      თქმით, „ნაციონალური მოძრაობის“ მცდელობაზე რომ მოახდინონ დესტაბილიზაცია, მიუთითებს დღეს გავრცელებული ჩანაწერი, ასევე „თავისუფალი ზონის“ ყოფილი წევრების მიერ გუშინ გაკეთებული განცხადება. 
წაკითხვა
პოლიტიკა
სააკაშვილი გავრცელებულ ჩანაწერს „უნიჭო მონტაჟს“ უწოდებს
 საქართველოს ყოფილი პრეზიდენტი მიხეილ სააკაშვილი ინტერნეტში გავრცელებულ აუდიოჩანაწერს „უნიჭო მონტაჟს“ უწოდებს. ჩანაწერის  გავრცელებას   მიხეილ  სააკაშვილი სოციალურ ქსელში მოკლე კომენტარით ეხმაურება.            „ასეთი უნიჭო მონტაჟებით სურს ივანიშვილს თავისი გარდაუვალი დამარცხების თავიდან აცილება? ჩვენი ხალხის გასულელება არ გამოუვა!“, - წერს სააკაშვილი „ფეისბუქში“.
წაკითხვა
პოლიტიკა
ინტერნეტში სავარაუდოდ მიხეილ სააკაშვილსა და „ნაციონალური მოძრაობის“ წევრებს შორის საუბრის ჩანაწერი ვრცელდება
აუდიოჩანაწერის თანახმად, საუბარში მონაწილე პირები რევოლუციურ სცენარს განიხილავენ.     უფრო კონკრეტულად, მიხეილ სააკაშვილის თქმით, გიგა ბოკერია მიიჩნევს, რომ რევოლუციური სცენარი სწორია, თუმცა თუ ეს არ გამოვა, კოალიციებისთვის უნდა მოემზადონ, რასაც ექს-პრეზიდენტი არ ეთანხმება.        „ვისაც კოალიციებისთვის უნდა მომზადება, მოემზადოს. მე არანაირი სურვილი არ მაქვს, მაგისთვის არ ვიბრძვი“, - აცხადებს სააკაშვილი აუდიოჩანაწერის თანახმად და იქვე დასძენს, რომ „რუსთავი მოამწიფებს ამ პიკს“.         აუდიოჩანაწერში, რომლის ავთენტურობაც ჯერჯერობით დადასტურებული არ არის, მიხეილ სააკაშვილი, აკაკი ბობოხიძე, ირმა ნადირაშვილი, ნუგზარ წიკლაური, პეტრე ცისკარიშვილი, აკაკი მინაშვილი, გიგი წერეთელი ფიგურირებენ. 
წაკითხვა
პოლიტიკა
იზორია:დესტაბილიზაციის ყველანაირი მცდელობა იქნება ჩახშობილი
ვის ეკუთვნის ხელისუფლება, ამას არც სააკაშვილი განსაზღვრას და არც სხვა ვინმე პიროვნება, ამას განსაზღვრავს ქართველი ხალხი.     ამის შესახებ   თავდაცვის მინისტრმა ლევან იზორიამ განაცხადა, რომელიც გამოეხმაურა  „თავისუფალი ზონის“ მიერ გავრცელებულ ინფორმაციას იმის შესახებ, რომ საქართველოს ყოფილი პრეზიდენტი მიხეილ სააკაშვილი არჩევნების შემდეგ დესტაბილიზაციას გეგმავს.       იზორიას თქმით, უნდა შევქმნათ სახელმწიფო, სადაც პირველ რიგში თითოეული მოქალაქის უსაფრთხოება იქნება უზრუნველყოფილი და სადაც ყველა პროცესი კანონის ფარგლებში მიმდინარეობს. მინისტრის განმარტებით, მათ შორის უნდა იყოს საარჩევნო პროცესიც.         მინისტრის  განცხადებით,    კომპეტენტური ორგანოები ფლობენ ყველანაირ ინფორმაციას და ყველაფერს აკეთებენ, რომ მოხდეს საფრთხეების თავიდან აცილება. 
წაკითხვა
პოლიტიკა
ჯეჯელავა:თურქულ სკოლას ავტორიზაცია არ გაუვლია
       კანონდარღვევით სკოლის კი არა, საერთოდ არაფრის მშენებლობა და გახსნა არ უნდა მოხდეს.  ამის შესახებ საქართველოს განათლებისა და მეცნიერების მინისტრმა ალექსანდრე ჯეჯელავამ განაცხადა.    განათლების მინისტრმა დაადასტურა, რომ ბათუმში გახსნილი თურქული სკოლა საქართველოს განათლების სამინისტროს მიერ ავტორიზებული არ არის. თუმცა მინისტრმა იქვე აღნიშნა, რომ საქართველოში ასეთი არაერთი სკოლაა.        ჯეჯელავას  ინფორმაციით,    მიღწეული იყო შეთანხმება, რომ      ბათუმში გახსნილი სკოლა ქართული კანონმდებლობით ავტორიზებული უნდა ყოფილიყო.        განათლების მინისტრისთვის ფაქტი, რომ მშენებლობის ნებართვა გაცემული არ არის, აბსოლუტურად მიუღებელია.         ჯეჯელავას    განცხადებით, ასევე მიუღებელია, რომ სკოლის მესვეურებმა გადაწყვიტეს დაწესებულების გახსნაზე განათლების სამინისტროსა და ხელისუფლების წარმომადგენლები არ დაეპატიჟებიათ.        შეგახსენებთ,   ბათუმის მერიამ შესაძლოა ქალაქში ორი დღის წინ გახსნილი სკოლის დემონტაჟი მოითხოვოს.        ბათუმის მერიაში   აცხადებენ,  რომ   სკოლის მშენებლობისთვის საჭირო ნებართვა არ გაუციათ. მათი განმარტებით, ბათუმის მერიის ზედამხედველობის სამსახურმა სამშენებლო ნებართვის უქონლობის გამო სკოლა რამდენჯერმე დააჯარიმა, მათ შორის ბოლოს 9 000 ლარით. 
წაკითხვა
პოლიტიკა
თურქეთის კონსული: ბათუმში თურქული სკოლის გახსნის საკითხზე განმარტებებს აკეთებს
თურქეთის გენერალური კონსული იასინ თემიზქანი ბათუმში თურქული სკოლის გახსნის საკითხზე განმარტებებს აკეთებს.        კონსულის განცხადებით, შენობა აშენდა ქველმოქმედი ბიზნესმენის მიერ და თუ შენობის მშენებლობის პროცესში იყო ხარვეზები, გაირკვევა კომპანიის ხელმძღვანელებთან და საქართველოს შესაბამის უწყებებთან.       მისი  თქმით, მშენებლობის ნებართვასთან დაკავშირებულ პროცესში არ ყოფილან ჩართულები და ეს ცალკე საკითხია, რომელიც გასარკვევია.         კონსულის განმარტებით, თურქეთის საელჩო ყველა საკითხთან დაკავშირებით კონტაქტზეა საქართველოს განათლების სამინისტროსთან და თურქული მხარის მიზანია, სკოლის მოსწავლეები დაეუფლონ ქართულ ენას. იასინ თემიზქანის განმარტებით, სკოლის ოფიციალური გახსნა იგეგმება, რაზეც მიწვეულნი იქნებიან საქართველოს მთავრობის წევრები.       კონსულის თქმით, სკოლა თურქეთის მოქალაქეებს ემსახურება და სასწავლო დაწესებულებაში ამ ეტაპზე 170 მოსწავლე ირიცხება. 
წაკითხვა
პოლიტიკა
„ქართული ოცნებამ “ე.წ. მშვიდობის მემორანდუმი გამოაქვეყნა
მმართველი გუნდის მიერ პოლიტიკური პარტიებისთვის შეთავაზებული მემორანდუმის მიხედვით, არჩევნებში მონაწილე სუბიექტები თანხმდებიან, რომ უზრუნველყოფენ მათი აქტივისტების დისტანცირებას სხვა პარტიების მიერ ან მის მხარდასაჭერად გამართული აქციისგან, შეხვედრისგან ან სხვა მსგავსი სახის ღონისძიებისგან და მიიღებენ ყველა ზომას, რათა არ დაუშვან მათი აქტივისტების მხრიდან სხვა საარჩევნო სუბიექტის მიერ გამართული ღონისძიების ხელშეშლა.           „ჩვენ, ქვემორე ხელმომწერი 2016 წლის 8 ოქტომბრის საპარლამენტო არჩევნების მონაწილე საარჩევნო სუბიექტები, ვაცნობიერებთ რა, რომ არჩევნების მშვიდობიანად ჩატარება არის საქართველოში დემოკრატიის განვითარებისა და პოლიტიკური სისტემის კონსოლიდაციის აუცილებელი პირობა, ვაცნობიერებთ რა, რომ საარჩევნო სუბიექტის მიერ სხვა საარჩევნო სუბიექტის წინააღმდეგ კონტრაქციის მოწყობა ქმნის ძალადობის პროვოცირების განსაკუთრებულ საფრთხეს, ვთანხმდებით, რომ უზრუნველვყოფთ ჩვენი აქტივისტების დისტანცირებას სხვა საარჩევნო სუბიექტის მიერ ან მის მხარდასაჭერად გამართული აქციისგან, შეხვედრისგან ან სხვა მსგავსი სახის ღონისძიებისგან და მივიღებთ ყველა ზომას, რათა არ დავუშვათ ჩვენი აქტივისტების მიერ სხვა საარჩევნო სუბიექტის მიერ გამართული ღონისძიების ხელშეშლა. წინამდებარე შეთანხმება ვრცელდება მთელ საარჩევნო პერიოდზე, არჩევნების საბოლოო შემაჯამებელი ოქმის გამოქვეყნებამდე“, - ნათქვამია მემორანდუმში.
წაკითხვა
სასწრაფოდ
უცხოეთის ახალი ამბები
სამხედრო გადატრიალების მცდელობა თურქეთში
სამხედრო გადატრიალების მცდელობა თურქეთში. ამ წუთებში სამხედროების მობილიზაციაა სტამბოლში, მათ რამდენიმე საათის წინ გადაკეტეს ბოსფორის ხიდი, ქალაქის თავზე დაფრინავენ სამხედრო ვერტმფრენები, ათათურქის აეროპორტთან და ქალაქის ქუჩებში მობილიზებულია ტანკები და სამხედრო ტექნიკა. გენშტაბის ინფორმაციით, ხელისუფლება დაპატიმრებულია.
წაკითხვა
სასწრაფოდ
უცხოეთის ახალი ამბები
თურქეთის არმიის განცხადებით, სამხედროებმა ხელისუფლება აიღეს
თურქეთის არმია განცხადებას ავრცელებს, რომლის თანახმადაც, სამხედროებმა ხელისფლება აიღეს, — ამის შესახებ Reuters-ი იუწყება. განცხადების სრული ვერსია სახელმწიფო ტელევიზია TRT -ის ეთერში გადაიცა. სავარაუდოდ, ტელეკომპანია სამხედროებს აქვთ აღებული.გთავაზობთ ფრაგმენტებს განცხადებიდან, რომელსაც ბრიტანული გამოცემა The Independent-ი ავრცელებს. „განცხადება თურქეთის შეიარაღებული ძალებისგან: კონსტიტუციური წესრიგი, ადამიანის უფლებები და თავისუფლებები აღდგება; ქვეყანაში კვლავ გამეფდება კანონის უზენაესობა; აღდგება გაუარესებული საზოგადოებრივი უსაფრთხოება; ქვეყნის ადმინისტრაციისათვის ყველანაირი უფლებამოსილება ჩამორთმეულია. ძალაში რჩება ყველა საერთაშორისო ხელშეკრულება და ჩვენი ვალდებულება. ვიმედვონებთ, მსოფლიოს ყველა ქვეყანასთან კარგ ურთიერთობებს გავაგრძელებთ“.Reuters-ის ცნობით, გაუქმებულია ყველა რეისი სტამბოლის ათათურქის აეროპორტიდან. CNN Turk-ის ჟურნალისტის ცნობით, სამხედრო შტაბ-ბინებში აყვანილნი არიან მძევლები. 
წაკითხვა
უცხოეთის ახალი ამბები
გადატრიალების მცდელობა თურქეთში
თურქეთის პრემიერმინისტრმა დაგმო სამხედრო „ჯგუფის“ მიერ ჩადენილი „უაკნონო ქმედებები“, რაც სტამბოლის ხიდების დახურვასა და დედაქალაქ ანკარის თავზე სამხედრო თვითმფრინავების ფრენას გულისხმობს.ბინალი ილდირიმის განცხადებით, სამხედროთა მოქმედება უნებართვო იყო, თუმცა ეს არ არც გადატრიალება ყოფილა. მისი თქმით, მთავრობა უფლებამოსილების შესრულებას აგრძელებს.რამდენიმე საათის წინ, სამხედროთა ჯგუფმა სტამბოლში ჩაკეტა ბოსფორის სრუტეზე გადებული ორივე ხიდი, რომლებიც ქალაქის აზიურ და ევროპულ ნაწილებს აკავშირებს.გავრცელებული ინფორმაციით, სროლის ხმა ისმოდა ანკარაშიც, სტამბოლოს აეროპორტის სიახლოვეს კი ტანკები იდგა.პრემიერი ილდირიმი ტელოკემპანია NTV-ს ტელეფონით ჩაერთო: „ყველა შესაძლებლობას ვიყენებთ, რომ მათი მხრიდან ეს მცდელობა არ დავუშვათ. ამ უკანონო ქმედებების ჩამდენნი სასჯელის უმაღლესი ზომით დაისჯებიან“, იქვე პრემიერმა დასძინა, რომ აღნიშნული ქმედებების „გადატრიალებად“ შერაცხვა მართებული არ არის.
წაკითხვა
პოლიტიკა
გიორგი კვირიკაშვილი: დემოკრატიული პროგრესი ქართველი ერის ღირებულებებთან სრულ შესაბამისობაშია
პრემიერმინისტრის განცხადებით, საქართველო დგანს თანმიმდევრულ ნაბიჯებს სასამართლო სისტემის პოლიტიკური, ფინანსური და სხვა ტიპის გავლენებისაგან დასაცავად,-ამის შესახებ საქართველოს  გიორგი კვირიკაშვილმა საქართველო-გერმანიის ბიზნესფორუმზე სიტყვით გამოსვლისას განაცხადა.მან გერმანული ბიზნესწრეების წარმომადგენლებს საქართველოში განხორციელებული დემოკრატიული რეფორმებიც გააცნო.“წარსულში, საქართველოში დამოუკიდებელი სასამართლო სისტემის არარსებობა ქვეყანაში დემოკრატიულობის დონისთვის მნიშვნელოვანი გამოწვევა იყო. ამჟამად, ჩვენ ვკონცენტრირდებით დეპოლიტირებული პოლიციისა და დამოუკიდებელი პროკურატურის შენებაზე. ასევე, მტკიცედ გვწამს გამოხატვისა და მედიის თავისუფლება და მიგვაჩნია, რომ ამ თვალსაზრისით მნიშვნელოვან პროგრესს მივაღწიეთ. „Freedom House” “-ის მონაცემებით, 2015 წელს საქართველო აღმოსავლეთ ევროპის ლიდერი ქვეყანაა, ხოლო საქართველოს მაჩვენებლები ამ კუთხით მნიშვნელოვნად გაუმჯობესდა. გამოხატვის თავისუფლების მიმართ ჩვენი თავდადება სასიცოცხლოდ მნიშვნელოვანია წელს - ოქტომბერში დაგეგმილი საპარლამენტო არჩევნების გათვალისწინებით. მოუთმენლად ველით სადამკვირვებლო მისიას, რათა უზრუნველვყოთ, რომ 2016 წლის არჩევნები საქართველოს ისტორიაში ყველაზე თავისუფალი და სამართლიანია,”-აღნიშნა პრემიერმა.
წაკითხვა
კულტურა
რობი იულიამსი „დინამო არენაზე“
უილიამსი მაყურებლის წინაშე გრანდიოზული შოუთი წარდგა. „Let Me Entertain You“ - - ამ სიმღერით კი, მან კონცერტი გახსნა. მსმენელს ქართულად მიესალმა, საქართველოს დამოუკიდებლობის დღე მიულოცა და მაყურებელს რამდენჯერმე სთხოვა, მის სიმღერას აჰყოლოდნენ.   კონცერტზე შესრულდა ყველასათვის ცნობილი ჰიტები მუსიკოსის რეპერტუარიდან.   კონცერტის მიმდინარეობისას, ბრიტანელმა მომღერალმა სცენაზე ქართველი გოგონა აიყვანა და მას მიუძღვნა ცნობილი ჰიტი „ She's the one" ”. მსმენელისთვის ერთ-ერთი სიურპრიზი აღმოჩნდა ბრიტანელი მომღერლის მიერ მამასთან ერთად შესრულებული დუეტიც. შთამბეჭდავი სანახაობა დაახლოებით, ორი საათის განმავლობაში გაგრძელდა. შოუს დაწყებამდე რამდენიმე საათით ადრე, რობი უილიამსი საქართველოს  კულტურისა და ძეგლთა დაცვის მინისტრს მიხიელ გიორგაძეს შეხვდა და მისი ნაჩუქარი ყაბალახიც მოირგო.კონცერტის შემდეგ ცნობილმა ბრიტანელმა მუსიკოსმა ქართული მედიისთვის კომენტარი გააკეთა და გაფრენამდე რამდენიმე წუთით ადრე, საკუთარი შთაბეჭდილებები გაუზიარა: „ქართველი მსმენელი იყო სენსაციური და ძალიან გულუხვი. იმის გათვალისწინებით, რომ მე აქ არასოდეს ვყოფილვარ, ჩემთვის ძნელად წარმოსადგენი იყო, რომ ყველას ეცოდინებოდა ჩემი სიმღერების ტესტები. კონცერტის განმავლობაში  არ ყოფილა არცერთი ჩავარდნა, მუდმივად იგრძნობოდა აუდიტორიის ენერგეტიკა. ეს იყო ჩემი პირველი კონცერტი ბოლო 7 თვის განმავლობაში და საკმაოდ ვნერვიულობდი, მაგრამ როგორც კი სცენაზე დავდექი, ქართველი მსმენელი ძალიან დამეხმარა. ეს იყო გამოცდილება, რომელიც ყოველთვის დარჩება ჩემს მეხსიერებაში. ძალიან ბედნიერი ვარ და მოუთმენლად ველოდები თქვენთან დაბრუნებას და კიდევ ერთხელ თქვენთან შეხვედრას“-აღნიშნა  ვილიამსმა.სპეციალურად ამ ღონისძიებაზე დასასწრებად თბილისს მსოფლიოს სხვადასხვა ქვეყნიდან ტურისტები ეწვივნენ. მსოფლიო ვარსკვლავის კონცერტი საქართველოს მთავრობის ინიციატივით წამოწყებული მასშტაბური პროექტის   „Check in Georgia“-ს ფარგლებში გაიმართა.
წაკითხვა
კულტურა
სტუმარი: პიანისტი ირაკლი ავალიანი, რომელიც უკვე მრავალი წელია წარმატებით მოღვაწეობს უცხოეთში
წაკითხვა
განათლება/მეცნიერება
ფიჭვნარის ნაქალაქარი-ბორცვი ნამჭედური 1.
ქობულეთისტუმარი: პროფესორი ამირან კახიძე, ბათუმის არქეოლოგიის მუზეუმის დირექტორი, ფიჭვნარის არქეოლოგიური ექსპედიციის ხელმძღვანელი 
წაკითხვა
პოლიტიკა
„მთავარია "რუსთავი 2"-მა გააგრძელოს მაუწყებლობა“- თეა წულუკიანი
 იუსტიციის მინიტრის შეფასებით, ყველა მედია საშუალებას აქვს გამოხატვისა და ინფორმაციის გავრცელების უფლება. მინისტრი ამბობს, რომ  ტელეკომპანიის გარშემო მიმდინარე ამბები არ არის არც ხელისუფლების და არც მისი განხილვის საგანი.  თეა წულუკიანი იმედს გამოთქვამს, რომ მოსამართლეს საშულაება ექნება გადაწყვეტილება მშვიდ  გარემოში გამოიტანოს.     დღესვე იუსტიციის მინიტრი, ნაციოლალური მოძრაობის ბრალდებებსაც გამოეხმაურა და საჯარო რეესტრის ფუნქციები განმარტა. მისი თქმით, უწყება გამჭირვალედ  და ოპერატიულად მუშაობს.   შეგახსენებთ, რომ პარტია „ნაციონალურმა მოძრაობამ“-  ხელისუფლება „ რუსთავის 2“-ის საქმეში ჩარევაში დაადანაშაულა. ოპოზიცია  არგუმენტად, "რუსთავი 2"-ის მეპატრონეთა მხრიდან, საჯარო რეესტრში  წარდგენილი მოთხოვნის რეგისტრაციის გაჭიანურებას ასახელებს.
წაკითხვა
LIVE

რადიო 1

რადიო 1
ვიდეო

რადიო 2

უახლესი