საზოგადოებრივი
104.5 FM
  • თბილისის გასასვლელში ჩატარებული სპეცოპერაციის პარალელურად სამართალდამცველებმა კიდევ ერთი სპეცოპერაცია ფონიჭალაში ჩაატარეს.         შინაგან საქმეთა სამინისტროს  ინფორმაციით,   ფონიჭალაში ჩატარებული სპეცოპერაციის შედეგად ნარკოტიკების რეალიზაციის ბრალდებით ერთი ადამიანია დაკავებული.      სამინისტროში ამ ეტაპზე არ აკონკრეტებენ, თუ რა რაოდენობის ნარკოტიკული საშუალებებია ამოღებული დაკავებულის ჩხრეკისას.
    News
    e
    ფოტო
    i
    ტექსტი
    დაამატე
    d
    f
    m
  • თბილისის შემოსასვლელში ჩატარებული სპეცოპერაციის შედეგად ნარკორეალიზაციის ბრალდებით ერთი პირი დააკავეს.       ამ დრომდე გრძელდება ორი ავტომანქანის ჩხრეკა.          ერთ-ერთ მანქანაში დედასთან ერთად სამი მცირეწლოვანი ბავშვი იმყოფებოდა, თუმცა ბავშვები რამდენიმე წუთის წინ ტერიტორიიდან გაიყვანეს.         სპეცოპერაციის ადგილი გადაკეტილია.          თავად შსს-ში ამ დროისთვის მხოლოდ  ერთი პირის დაკავებას ადასტურებენ.  ჩატარებული სპეცოპერაციის შესახებ უწყებაში დამატებითი კომენტარი ჯერ არ კეთდება. 
    News
    e
    ფოტო
    i
    ტექსტი
    დაამატე
    d
    f
    m
  •  "საქართველოს რკინიგზის" შენობასთან აქციაზე მომხდარ ინციდენტს სახალხო დამცველის აპარატი შეისწავლის, - ამის შესახებ სახალხო დამცველის აპარატის წარმომადგენელმა ნინო ათაბეგაშვილმა განაცხადა, რომელიც აქციის მონაწილეების შეხვდა.        სახალხო დამცველის აპარატის წარმომადგენელი ადგილზე გაეცნო ვითარებას და გაესაუბრა, როგორც აქციის მონაწილეებს ისე საპატრულო პოლიციის წარმომადგენლებს.      "ჩვენ დაგვიკავშირდა ვიტალი გიორგაძე, შეგვატყობინეს რომ აქციის მონაწილეებს არ მიეცათ კარვის გაშლის შესაძლებლობა. აქედან გამომდინარე, ჩვენ მივედით ადგილზე, გავესაუბრეთ ყველა მხარეს, როგორც აქციის მონაწილეებს, ისე საპატრულო პოლიციის თანამშრომლებს. შემიძლია გითხრათ, რომ სახალხო დამცველის აპარატი შეისწავლის შექმნილ ვითარებას და დააკვირდება პროცესებს" - განაცხადა სახალხო დამცველის წარმომადგენელმა ნინო ათაბეგაშვილმა.
    News
    e
    ფოტო
    i
    ტექსტი
    დაამატე
    d
    f
    m
  •         ცენტრალური საარჩევნო კომისია 2017 წლის ადგილობრივი თვითმმართველობის არჩევნებში მონაწილეობის მსრულველ პარტიებს რეკომენდაციებით მიმართავს.      როგორც ცესკო-ს განცხადებაშია აღნიშნული, ადგილობრივი თვითმმართველობის ორგანოების არჩევნები 2017 წლის ოქტომბერში გაიმართება. ცენტრალური საარჩევნო კომისია მიმართავს პოლიტიკურ პარტიებს, არჩევნებში მონაწილეობის მიღების სურვილის შემთხვევაში, დროულად განახორციელონ აღნიშნული უფლების მოსაპოვებლად ყველა საჭირო პროცედურა.          "შეგახსენებთ, საქართველოს ორგანული კანონის „საქართველოს საარჩევნო კოდექსი“ 142-ე მუხლის თანახმად,  პარტია, რომელიც რეგისტრირებული იყო და მონაწილეობდა 2016 წლის პარლამენტის არჩევნებში დამოუკიდებლად, ან საარჩევნო ბლოკის შემადგენლობაში ან/და არჩევნების დანიშვნის დღისთვის ჰყავს წარმომადგენელი საქართველოს პარლამენტში, არჩევნებში მონაწილეობის უფლების მისაღებად სათანადო განცხადებით მიმართავს ცესკოს თავმჯდომარეს ადგილობრივი თვითმმართველობის არჩევნების დღის დანიშვნის შემდეგ მომდევნო 3 დღის განმავლობაში (არჩევნების დღემდე არაუგვიანეს 57-ე დღისა).         კოდექსში შესული ცვლილებების  თანახმად,  პარტიებისთვის გამარტივდა საარჩევნო რეგისტრაციისთვის საჭირო  პროცედურები. კერძოდ, პარტიას აღარ ესაჭიროება მისი წესდებისა და სარეგისტრაციო მოწმობის დედნების ან მათი ნოტარიულად დამოწმებული ასლების ცესკოში წარმოდგენა. ცესკოს თავმჯდომარისთვის კანონმდებლობით დადგენილი  წესით წარდგენილ განცხადებას თან უნდა დაერთოს  მხოლოდ  საჯარო რეესტრის ეროვნული სააგანეტოს მიერ ცესკოსთვის განცხადების წარდგენამდე ბოლო 10 დღის ვადაში გაცემული ამონაწერი მოქალაქეთა პოლიტიკური გაერთიანებების (პარტიების) რეესტრიდან, პარტიის ხელმძღვანელობის/წარმომადგენლობის უფლებამოსილების მქონე პირის (პირების) მითითებით.        ვინაიდან საჯაროდ განცხადებულია, რომ ოქტომბრის მესამე კვირის ბოლოსთვის იგეგმება არჩევნების ჩატარება და მოახლოვდა არჩევნების დანიშვნის თარიღი, რომელიც გულისხმობს არჩევნების დანიშვნას 60 დღით ადრე, ცენტრალური საარჩევნო კომისია რეკომენდაციას უწევს შესაბამის პოლიტიკურ გაერთიანებებს, რომლებზეც ვრცელდება 142-ე მუხლის მოქმედება, მიმდინარე კვირიდან, ან პრეზიდენტის მიერ განკარგულების გამოცემის დღიდან, განცხადებით მიმართონ საჯარო რეესტრის ეროვნულ სააგენტოს ამონაწერის მოთხოვნის მიზნით",-ნათქვამია ცეკო-ს განცხადებაში. 
    News
    e
    ფოტო
    i
    ტექსტი
    დაამატე
    d
    f
    m
  • შპს "საქართველოს რკინიგზის" ინფრასტრუქტურის დეპარტამენტი იურიდიული სამსახურის უფროსის ნანა კლარჯეიშვილისგანმარტებით, რკინიგზის თანამშრომლები, რომლებიც დღეს აქციას მართავენ ინფორმირებულები იყვნენ რეორგანიზაციის შესახებ.      მისი  თქმით, ყველა თანამშრომლისგან, მათ შორის მოშიმშილეებისგანაც ჰქონდათ თანხმობა კახეთიდან ახალ რეგიონში გადასვლასთან დაკავშირებით.         რაც შეეხება მოშიმშილეების მოთხოვნებს, როგორც რკინიგზაში განაცხადეს, თანამშრომლები უზრუნველყოფილნი არიან როგორც ტრანსპორტირებისთვის, ასევე მათთვის გარემონტდა კუპე ვაგონები, სადაც ყველანაირი საცხოვრებელი პირობაა შექმნილი. ნანა კლარჯეიშვილმა რეორგანიზაციის დაწყების მიზეზები განმარტა და რკინიგზის გარეთ არსებულ დესტრუქციულ ძალებზე ისაუბრა."ბოლო პერიოდში კახეთის რეგიონიდან ტვირთბრუნვამ იკლო, შესაბამისად საჭიროებას აღარ წარმოადგენდა ამ ადამიანების ადგილზე მუშაობა. მათი გადაყვანა მოხდა სამხრეთ/დასავლეთ რეგიონში . რეორგანიზაციამდე გაკეთდა ახსნა-განმარტებები, შეხვედრა თანამშრომლებთან. ასევე რეორგანიზაციას წინ უძღვოდა მათი წერილობითი თანხმობა ახალ რეგიონში გადასვლაზე. სამწუხაროდ, რკინიგზის გარეთ აღმოჩნდნენ დესტრუქციული ძალები, რომლებსაც სურთ პრობლემების შექმნა რკინიგზაში. ჩვენ ორჯერ გავუგზავნეთ ამ ადამიანებს განმარტებითი წერილი და ვთხოვთ თანამშრომლობის გაგრძელებას", - განაცხადა კლარჯეიშვილმა. თბილისში, შპს "სქართველოს რკინიგზის" შენობასთან რკინიგზის ორმა თანამშრომელმა შიმშილობა დაიწყო. როგორც ისინი აცხადებენ,  გურჯაანის რკინიგზის სამსახურში მათი სამუშაო ადგილების გაუქმების შემდეგ, სამუშაოდ  სადახლოში გადაიყვანეს, რის გამოც  ჯერ თბილისში უწევთ ჩამოსვლა და შემდეგ - სადახლოში. 
    News
    e
    ფოტო
    i
    ტექსტი
    დაამატე
    d
    f
    m
  •  თბილისში, შპს "საქართველოს რკინიგზის" წინ, სადაც რკინიგზელთა აქცია მიმდინარეობს, მცირე დაპირისპირება მოხდა.      საპატრულო პოლიციის წარმომადგენლებმა აქციაზე გაშლილი კარავი აიღეს, რასაც პროტესტი მოჰყვა.სამართალდამცველებმა აქციის მონაწილეებს განუმარტეს, რომ კარვის დადგმის უფლება არ ჰქონდათ.      ამ დროისთვის აქციაზე სიმშვიდეა, თუმცა საპატრულო პოლიციის თანამშრომლები ადგილზე რჩებიან.  რკინიგზის ორმა თანამშრომელმა შიმშილობა დაიწყო. როგორც ისინი აცხადებენ,  გურჯაანის რკინიგზის სამსახურში მათი სამუშაო ადგილების გაუქმების შემდეგ, სამუშაოდ  სადახლოში გადაიყვანეს, რის გამოც  ჯერ თბილისში უწევთ ჩამოსვლა და შემდეგ - სადახლოში. 
    News
    e
    ფოტო
    i
    ტექსტი
    დაამატე
    d
    f
    m
  •  ოპოზიციასთან შეხვედრის გამოცხადებამდე, ”ქართული ოცნების” დეპუტატები დღეს შიდა კონსულტაციებს გამართავენ.           უმრავლესობის წევრების შეხვედრა პარტიის ცენტრალურ ოფისში გაიმართება.         შიდა კონსულტაციების მთავარი თემა საარჩევნო სისტემა და მასთან დაკავშირებული ყველა ის საკითხია, რაზეც ”ქართული ოცნება” ოპოზიციასთან საუბარს აპირებს. წინასწარი ინფორმაციით, განხილვის საგანი იქნება ე.წ. ბუნებრივი საარჩევნო ბარიერის შეთავაზების თემაც. 
    News
    e
    ფოტო
    i
    ტექსტი
    დაამატე
    d
    f
    m
  • საავტომობილო გზების დეპარტამენტის  8ინფორმაციით,   დარიალის ხეობაში  ავტოტრანსპორტის მოძრაობა დასაშვებია გაუჩერებლად გავლის რეჟიმში.           მცხეთა-სტეფანწმინდა-ლარსის საავტომობილო გზის კმ134-კმ135 (დარიალის ხეობა) მონაკვეთზე 00:00 სთ-დან 06:00სთ-მდე ყველა სახის ავტოტრანსპორტის მოძრაობა აკრძალული იყო.            დარიალის ხეობაში შექმნილი საგანგებო ვითარების გამო, 14 აგვისტოს სასაზღვრო-გამშვებ პუნქტ „ყაზბეგში“ სამუშაო პროცესი რამდენიმე საათის განმავლობაში შეწყდა.           საგანგებო რეჟიმი ამალი-დევდორაკის ხეობაში ღვარცოფული პროცესების გააქტიურებას უკავშირდებოდა.         გარემოს ეროვნული სააგენტოს  ინფორმაციით,   ხეობაში დამონტაჟებულმა წინასწარი შეტყობინების სისტემამ წარმატებით იმუშავა და მყინვარის ინტენსიური დნობის შედეგად წარმოქმნილი ღვარცოფული ნაკადის თაობაზე ავტომატური განგაშის სიგნალი შესაბამის უწყებებს გადასცა. შედეგად, დროულად განხორციელდა ევაკუაცია საავტომობილო გზის სახიფათო მონაკვეთიდან და სასაზღვრო-გამშვებ პუნქტ "ყაზბეგიდან". შექმნილ ვითარებასთან დაკავშირებით ინფორმაცია გაეგზავნა რუსეთის ფედერაციის საბაჟო სამსახურს.
    News
    e
    ფოტო
    i
    ტექსტი
    დაამატე
    d
    f
    m
პოლიტიკა
სპეცოპერაცია ფონიჭალაშიც ჩატარდა
გამოქვეყნებულია: 2017-08-15 17:16:00
თბილისის გასასვლელში ჩატარებული სპეცოპერაციის პარალელურად სამართალდამცველებმა კიდევ ერთი სპეცოპერაცია ფონიჭალაში ჩაატარეს.         შინაგან საქმეთა სამინისტროს  ინფორმაციით,   ფონიჭალაში ჩატარებული სპეცოპერაციის შედეგად ნარკოტიკების რეალიზაციის ბრალდებით ერთი ადამიანია დაკავებული.      სამინისტროში ამ ეტაპზე არ აკონკრეტებენ, თუ რა რაოდენობის ნარკოტიკული საშუალებებია ამოღებული დაკავებულის ჩხრეკისას.
წაკითხვა
პოლიტიკა
თბილისის შემოსასვლელში ჩატარებული სპეცოპერაციის შედეგად ნარკორეალიზაციის ბრალდებით ერთი პირი დააკავეს
გამოქვეყნებულია: 2017-08-15 14:49:00
თბილისის შემოსასვლელში ჩატარებული სპეცოპერაციის შედეგად ნარკორეალიზაციის ბრალდებით ერთი პირი დააკავეს.       ამ დრომდე გრძელდება ორი ავტომანქანის ჩხრეკა.          ერთ-ერთ მანქანაში დედასთან ერთად სამი მცირეწლოვანი ბავშვი იმყოფებოდა, თუმცა ბავშვები რამდენიმე წუთის წინ ტერიტორიიდან გაიყვანეს.         სპეცოპერაციის ადგილი გადაკეტილია.          თავად შსს-ში ამ დროისთვის მხოლოდ  ერთი პირის დაკავებას ადასტურებენ.  ჩატარებული სპეცოპერაციის შესახებ უწყებაში დამატებითი კომენტარი ჯერ არ კეთდება. 
წაკითხვა
პოლიტიკა
“საქართველოს რკინიგზის“ შენობასთან აქციაზე მომხდარ ინციდენტს სახალხო დამცველის აპარატი შეისწავლის
გამოქვეყნებულია: 2017-08-15 14:47:00
 "საქართველოს რკინიგზის" შენობასთან აქციაზე მომხდარ ინციდენტს სახალხო დამცველის აპარატი შეისწავლის, - ამის შესახებ სახალხო დამცველის აპარატის წარმომადგენელმა ნინო ათაბეგაშვილმა განაცხადა, რომელიც აქციის მონაწილეების შეხვდა.        სახალხო დამცველის აპარატის წარმომადგენელი ადგილზე გაეცნო ვითარებას და გაესაუბრა, როგორც აქციის მონაწილეებს ისე საპატრულო პოლიციის წარმომადგენლებს.      "ჩვენ დაგვიკავშირდა ვიტალი გიორგაძე, შეგვატყობინეს რომ აქციის მონაწილეებს არ მიეცათ კარვის გაშლის შესაძლებლობა. აქედან გამომდინარე, ჩვენ მივედით ადგილზე, გავესაუბრეთ ყველა მხარეს, როგორც აქციის მონაწილეებს, ისე საპატრულო პოლიციის თანამშრომლებს. შემიძლია გითხრათ, რომ სახალხო დამცველის აპარატი შეისწავლის შექმნილ ვითარებას და დააკვირდება პროცესებს" - განაცხადა სახალხო დამცველის წარმომადგენელმა ნინო ათაბეგაშვილმა.
წაკითხვა
პოლიტიკა
ცესკო ადგილობრივი თვითმმართველობის არჩევნებში მონაწილეობის მსრულველ პარტიებს მიმართავს
გამოქვეყნებულია: 2017-08-15 14:46:00
        ცენტრალური საარჩევნო კომისია 2017 წლის ადგილობრივი თვითმმართველობის არჩევნებში მონაწილეობის მსრულველ პარტიებს რეკომენდაციებით მიმართავს.      როგორც ცესკო-ს განცხადებაშია აღნიშნული, ადგილობრივი თვითმმართველობის ორგანოების არჩევნები 2017 წლის ოქტომბერში გაიმართება. ცენტრალური საარჩევნო კომისია მიმართავს პოლიტიკურ პარტიებს, არჩევნებში მონაწილეობის მიღების სურვილის შემთხვევაში, დროულად განახორციელონ აღნიშნული უფლების მოსაპოვებლად ყველა საჭირო პროცედურა.          "შეგახსენებთ, საქართველოს ორგანული კანონის „საქართველოს საარჩევნო კოდექსი“ 142-ე მუხლის თანახმად,  პარტია, რომელიც რეგისტრირებული იყო და მონაწილეობდა 2016 წლის პარლამენტის არჩევნებში დამოუკიდებლად, ან საარჩევნო ბლოკის შემადგენლობაში ან/და არჩევნების დანიშვნის დღისთვის ჰყავს წარმომადგენელი საქართველოს პარლამენტში, არჩევნებში მონაწილეობის უფლების მისაღებად სათანადო განცხადებით მიმართავს ცესკოს თავმჯდომარეს ადგილობრივი თვითმმართველობის არჩევნების დღის დანიშვნის შემდეგ მომდევნო 3 დღის განმავლობაში (არჩევნების დღემდე არაუგვიანეს 57-ე დღისა).         კოდექსში შესული ცვლილებების  თანახმად,  პარტიებისთვის გამარტივდა საარჩევნო რეგისტრაციისთვის საჭირო  პროცედურები. კერძოდ, პარტიას აღარ ესაჭიროება მისი წესდებისა და სარეგისტრაციო მოწმობის დედნების ან მათი ნოტარიულად დამოწმებული ასლების ცესკოში წარმოდგენა. ცესკოს თავმჯდომარისთვის კანონმდებლობით დადგენილი  წესით წარდგენილ განცხადებას თან უნდა დაერთოს  მხოლოდ  საჯარო რეესტრის ეროვნული სააგანეტოს მიერ ცესკოსთვის განცხადების წარდგენამდე ბოლო 10 დღის ვადაში გაცემული ამონაწერი მოქალაქეთა პოლიტიკური გაერთიანებების (პარტიების) რეესტრიდან, პარტიის ხელმძღვანელობის/წარმომადგენლობის უფლებამოსილების მქონე პირის (პირების) მითითებით.        ვინაიდან საჯაროდ განცხადებულია, რომ ოქტომბრის მესამე კვირის ბოლოსთვის იგეგმება არჩევნების ჩატარება და მოახლოვდა არჩევნების დანიშვნის თარიღი, რომელიც გულისხმობს არჩევნების დანიშვნას 60 დღით ადრე, ცენტრალური საარჩევნო კომისია რეკომენდაციას უწევს შესაბამის პოლიტიკურ გაერთიანებებს, რომლებზეც ვრცელდება 142-ე მუხლის მოქმედება, მიმდინარე კვირიდან, ან პრეზიდენტის მიერ განკარგულების გამოცემის დღიდან, განცხადებით მიმართონ საჯარო რეესტრის ეროვნულ სააგენტოს ამონაწერის მოთხოვნის მიზნით",-ნათქვამია ცეკო-ს განცხადებაში. 
წაკითხვა
პოლიტიკა
რკინიგზა:დესტრუქციულ ძალებს უწყებაში პრობლემების შექმნა სურთ
გამოქვეყნებულია: 2017-08-15 14:44:00
შპს "საქართველოს რკინიგზის" ინფრასტრუქტურის დეპარტამენტი იურიდიული სამსახურის უფროსის ნანა კლარჯეიშვილისგანმარტებით, რკინიგზის თანამშრომლები, რომლებიც დღეს აქციას მართავენ ინფორმირებულები იყვნენ რეორგანიზაციის შესახებ.      მისი  თქმით, ყველა თანამშრომლისგან, მათ შორის მოშიმშილეებისგანაც ჰქონდათ თანხმობა კახეთიდან ახალ რეგიონში გადასვლასთან დაკავშირებით.         რაც შეეხება მოშიმშილეების მოთხოვნებს, როგორც რკინიგზაში განაცხადეს, თანამშრომლები უზრუნველყოფილნი არიან როგორც ტრანსპორტირებისთვის, ასევე მათთვის გარემონტდა კუპე ვაგონები, სადაც ყველანაირი საცხოვრებელი პირობაა შექმნილი. ნანა კლარჯეიშვილმა რეორგანიზაციის დაწყების მიზეზები განმარტა და რკინიგზის გარეთ არსებულ დესტრუქციულ ძალებზე ისაუბრა."ბოლო პერიოდში კახეთის რეგიონიდან ტვირთბრუნვამ იკლო, შესაბამისად საჭიროებას აღარ წარმოადგენდა ამ ადამიანების ადგილზე მუშაობა. მათი გადაყვანა მოხდა სამხრეთ/დასავლეთ რეგიონში . რეორგანიზაციამდე გაკეთდა ახსნა-განმარტებები, შეხვედრა თანამშრომლებთან. ასევე რეორგანიზაციას წინ უძღვოდა მათი წერილობითი თანხმობა ახალ რეგიონში გადასვლაზე. სამწუხაროდ, რკინიგზის გარეთ აღმოჩნდნენ დესტრუქციული ძალები, რომლებსაც სურთ პრობლემების შექმნა რკინიგზაში. ჩვენ ორჯერ გავუგზავნეთ ამ ადამიანებს განმარტებითი წერილი და ვთხოვთ თანამშრომლობის გაგრძელებას", - განაცხადა კლარჯეიშვილმა. თბილისში, შპს "სქართველოს რკინიგზის" შენობასთან რკინიგზის ორმა თანამშრომელმა შიმშილობა დაიწყო. როგორც ისინი აცხადებენ,  გურჯაანის რკინიგზის სამსახურში მათი სამუშაო ადგილების გაუქმების შემდეგ, სამუშაოდ  სადახლოში გადაიყვანეს, რის გამოც  ჯერ თბილისში უწევთ ჩამოსვლა და შემდეგ - სადახლოში. 
წაკითხვა
პოლიტიკა
შპს "საქართველოს რკინიგზასთან" მიმდინარე აქციაზე მცირე დაპირისპირება მოხდა
გამოქვეყნებულია: 2017-08-15 11:34:00
 თბილისში, შპს "საქართველოს რკინიგზის" წინ, სადაც რკინიგზელთა აქცია მიმდინარეობს, მცირე დაპირისპირება მოხდა.      საპატრულო პოლიციის წარმომადგენლებმა აქციაზე გაშლილი კარავი აიღეს, რასაც პროტესტი მოჰყვა.სამართალდამცველებმა აქციის მონაწილეებს განუმარტეს, რომ კარვის დადგმის უფლება არ ჰქონდათ.      ამ დროისთვის აქციაზე სიმშვიდეა, თუმცა საპატრულო პოლიციის თანამშრომლები ადგილზე რჩებიან.  რკინიგზის ორმა თანამშრომელმა შიმშილობა დაიწყო. როგორც ისინი აცხადებენ,  გურჯაანის რკინიგზის სამსახურში მათი სამუშაო ადგილების გაუქმების შემდეგ, სამუშაოდ  სადახლოში გადაიყვანეს, რის გამოც  ჯერ თბილისში უწევთ ჩამოსვლა და შემდეგ - სადახლოში. 
წაკითხვა
პოლიტიკა
”ქართული ოცნების” დეპუტატები დღეს შიდა კონსულტაციებს გამართავენ
გამოქვეყნებულია: 2017-08-15 11:32:00
 ოპოზიციასთან შეხვედრის გამოცხადებამდე, ”ქართული ოცნების” დეპუტატები დღეს შიდა კონსულტაციებს გამართავენ.           უმრავლესობის წევრების შეხვედრა პარტიის ცენტრალურ ოფისში გაიმართება.         შიდა კონსულტაციების მთავარი თემა საარჩევნო სისტემა და მასთან დაკავშირებული ყველა ის საკითხია, რაზეც ”ქართული ოცნება” ოპოზიციასთან საუბარს აპირებს. წინასწარი ინფორმაციით, განხილვის საგანი იქნება ე.წ. ბუნებრივი საარჩევნო ბარიერის შეთავაზების თემაც. 
წაკითხვა
პოლიტიკა
დარიალის ხეობაში საავტომობილო მოძრაობა აღდგენილია
გამოქვეყნებულია: 2017-08-15 11:29:00
საავტომობილო გზების დეპარტამენტის  8ინფორმაციით,   დარიალის ხეობაში  ავტოტრანსპორტის მოძრაობა დასაშვებია გაუჩერებლად გავლის რეჟიმში.           მცხეთა-სტეფანწმინდა-ლარსის საავტომობილო გზის კმ134-კმ135 (დარიალის ხეობა) მონაკვეთზე 00:00 სთ-დან 06:00სთ-მდე ყველა სახის ავტოტრანსპორტის მოძრაობა აკრძალული იყო.            დარიალის ხეობაში შექმნილი საგანგებო ვითარების გამო, 14 აგვისტოს სასაზღვრო-გამშვებ პუნქტ „ყაზბეგში“ სამუშაო პროცესი რამდენიმე საათის განმავლობაში შეწყდა.           საგანგებო რეჟიმი ამალი-დევდორაკის ხეობაში ღვარცოფული პროცესების გააქტიურებას უკავშირდებოდა.         გარემოს ეროვნული სააგენტოს  ინფორმაციით,   ხეობაში დამონტაჟებულმა წინასწარი შეტყობინების სისტემამ წარმატებით იმუშავა და მყინვარის ინტენსიური დნობის შედეგად წარმოქმნილი ღვარცოფული ნაკადის თაობაზე ავტომატური განგაშის სიგნალი შესაბამის უწყებებს გადასცა. შედეგად, დროულად განხორციელდა ევაკუაცია საავტომობილო გზის სახიფათო მონაკვეთიდან და სასაზღვრო-გამშვებ პუნქტ "ყაზბეგიდან". შექმნილ ვითარებასთან დაკავშირებით ინფორმაცია გაეგზავნა რუსეთის ფედერაციის საბაჟო სამსახურს.
წაკითხვა
პოლიტიკა
საბაჟო გამშვებმა პუნქტმა "ყაზბეგმა" მუშაობა განაახლა
გამოქვეყნებულია: 2017-08-15 11:29:00
ფინანსთა სამინისტროს შემოსავლების სამსახურის აპარატის უფროსის  ხატია მოისწრაფიშვილის  განცხადებით,    საგანგებო ვითარებით გამოწვეული საჭიროებებიდან გამომდინარე, ტექნიკური სამუშაოების განხორციელების მიზნით,  ღამის 12 საათიდან დილის 6  საათამდე, საბაჟო გამშვებ პუნქტში სამუშაო პროცესი შეწყვეტილი იყო, თუმცა  6 საათიდან კვლავ გაიხსნა და ამ ეტაპზე ყველა მანქანა, რომელიც „ყაზბეგის“ გახსნას ელოდებოდა, ორივე მიმართულებით გატარებულია.        დარიალის ხეობაში შექმნილი საგანგებო ვითარების გამო, 14 აგვისტოს სასაზღვრო-გამშვებ პუნქტ „ყაზბეგში“ სამუშაო პროცესი რამდენიმე საათის განმავლობაში შეწყდა. საგანგებო რეჟიმი ამალი-დევდორაკის ხეობაში ღვარცოფული პროცესების გააქტიურებას უკავშირდებოდა. 
წაკითხვა
პოლიტიკა
აშშ-ის ვიცე-პრეზიდენტი საქართველოდან გაემგზავრა
გამოქვეყნებულია: 2017-08-01 16:20:00
ამერიკის ვიცე-პრეზიდენტმა საქართველოში ორდღიანი ვიზიტი შერეულ სამხედრო საავიაციო ბაზის ტერიტორიაზე დაასრულა, სადაც ღირსეული პარტნიორი 2017-ის სწავლებაში მონაწილე სამხედროებს მიესალმა.       მაიკ პენსმა სამხედრო ბაზაზე შეკრებილებს განუცხადა, რომ ის საქართველოში დონალდ ტრამპის დავალებით იმყოფება.     მისი თქმით, ამერიკა და საქართველოს ერთობლივი ღირებულებები აქვთ, რაც თავისუფლებისთვის სწრაფვას გულისხმობს. სამხედრო ბაზაზევე ის საქართველოს პრეზიდენტს შეხვდა.     მანამდე კი აშშ-ის ვიცე-პრეზიდენტი საქართველოს პატრიარქს და პრემიერმინისტრს შეხვდა. გიორგი კვირიკაშვილისა და მაიკ პენსის ერთობლივ პრესკონფერენციაზე აშშ-ის ვიცე-პრეზიდენტმა საკმაოდ მკაფიო გზავნილები გააჟღერა.    მაიკ პენსის განცხადებით, ამერიკა მხარს უჭერს საქართველოს ტერიტორიულ მთლიანობასა და სუვერენიტეტს. აშშ-ის ვიცე-პრეზიდენტის თქმით, ამერიკა საქართველოს გვერდით დგას. 
წაკითხვა
პოლიტიკა
პენსი: საქართველოსა და ამერიკას შორის სტრატეგიული პარტნიორობა ახლა უფრო ძლიერია, ვიდრე ოდესმე
გამოქვეყნებულია: 2017-08-01 16:01:00
 ამერიკის ვიცე-პრეზიდენტის, მაიკ პენსის შეფასებით, საქართველოსა და ამერიკის შეერთებულ შტატებს შორის სტრატეგიული პარტნიორობა ახლა უფრო ძლიერია, ვიდრე ოდესმე იყო და ამის ნათელი გამოსახულება  ერთობლივი წვრთნებია.     „ღირსეული პარტნიორობა 2017“-ის ღონისძიებაზე, მაიკ პენსმა საქართველოში გატარებულ რეფორმებზე ისაუბრა და აღნიშნა, რომ მიმდინარე წელი, ქვეყნებს შორის  დიპლომატიური ურთიერთობის დამყარების 25 წელს აღნიშნავს. „თქვენს პროგრესს მაღალ შეფასებას ვაძლევთ. საქართველოს მომავალი დასავლეთ სამყაროშია. წლების განმავლობაში, საქართველო ამერიკის შეერთებული შტატების სტრატეგიული პარტნიორი იყო. ათასობით ქართველი სამხედრო მოსამსახურე ამერიკელებთან ერთად ღირსეულად მსახურობდა - ავღანეთში, ერაყსა და კოსოვოში. საქართველომ ავღანეთში ერთ სულ მოსახლეზე მეტი გააგზავნა, ვიდრე მსოფლიოს მასშტაბით ნებისმიერმა სხვა ქვეყანამ. დღეს, 31 დაღუპულ ქართველ ჯარისკაცს მოვიხსენიებთ, რომელთაც სიციცოხლე თავისუფლებისთვის ბრძოლაში დადეს და ამერიკელ ხალხს ეს მსხვერპლი ახსოვს. ისინი გმირები არიან, ისინი ამერიკელი ხალხის გულებში მუდმივად დარჩებიან. საქართველოსა და ამერიკას შორის სტრატეგიული პარტნიორობა ახლა უფრო ძლიერია, ვიდრე ოდესმე. ერთობლიბი წვრთნებიც აღნიშნულის ნათელი გამოსახულება გახლავს“, - აღნიშნა მაიკ პენსმა.     ამერიკის ვიცე-პრეზიდენტის თქმით,  ღირსეული წვრთნები თავს უყრის საქართველოსა და მრავალი სხვა ქვეყნის სამხედრო მოსამსახურეებს.
წაკითხვა
პოლიტიკა
მარგველაშვილი: საერთაშორისო თანამეგობრობის ძალისხმევა არ აღმოჩნდა საკმარისი, რომ რუსეთი ისე არ მოქცეულიყო საქართველოში, როგორც საკუთარ მამულში
გამოქვეყნებულია: 2017-08-01 15:59:00
საერთაშორისო თანამეგობრობის ძალისხმევა არ აღმოჩნდა საკმარისი, რომ რუსეთი ისე არ მოქცეულიყო საქართველოში, როგორც საკუთარ მამულში.  ამის შესახებ საქართველოს პრეზიდენტმა გიორგი მარგველაშვილმა სწავლებაში „ღირსეული პარტნიორი 2017“ მონაწილე ქართველი და ამერიკელი სამხედროების წინაშე სიტყვით გამოსვლისას განაცხადა.        მარგველაშვილმა სიტყვით გამოსვლისას საქართველოს ოკუპირებულ ტერიტორიებზე შექმნილ ვითარებაზე ისაუბრა და აღნიშნა, რომ რამდენიმე ათეულ კილომეტრში აღმართულია მავთულხლართები, რომელიც ხელს უშლის ადამიანებს თავისუფლად მოძრაობაში.          ”ადამიანებს დევნიან მხოლოდ ქართველობისთვის. 20% ტერიტორიის ოკუპირებულია, რადგან საქართველოს სურს გახდეს დამოუკიდებელი ქვეყანა. საერთაშორისო თანამეგობრობის ძალისხმევა არ აღმოჩნდა საკმარისი, რომ ისე არ მოქცეულიყო რუსეთი საქართველოში, როგორც საკუთარ მამულში. ჩვენ მაქსიმალურად ვცდილობთ შევამციროთ კონფრონტაციის ზეგავლენა და ტერიტორიების დაყოფა. საქართველო გახლავთ დამაკავშირებელი აღმოსავლეთს და დასავლეთს შორის. ეს გახლავთ ჩემი ქვეყნის ძველი, ისტორიული მოვალეობა. ჩემი ქვეყანა, როგორც ევროპული სახელმწიფო, იძლევა დამატებით შესაძლებლობებს, რათა კიდევ უფრო გამყარდეს შესაძლებლობა დასავლეთს და აღმოსავლეთს შორის, მაგრამ ამ ქმედებისთვის ჩვენ უზრუნველყოფილი უნდა გვქონდეს თავისუფლება და აქედან გამომდინარე, გვჭირდება მყარი მოწოდება, რომ აღნიშნული კედელი დაეცეს, გვჭირდება ის მოწოდება, რომელმაც დაასრულა "ცივი ომი", ისე, როგორც ერთ-ერთმა გენერალმა ბრძანა - ”უმაღლესი ხელოვნებაა მოიგო ომი ბრძოლის გარეშე”, - განაცხადა გიორგი მარგველაშვილმა.        პრეზიდენტის შეფასებით, მაიკ პენსის ვიზიტი არის ძალიან ძლიერი სიგნალი ამერიკა-საქართველოს პარტნიორობის გაღრმავებისთვის. 
წაკითხვა
პოლიტიკა
აშშ-ს ვიცე-პრეზიდენტს პატრიარქმა უმასპინძლა
გამოქვეყნებულია: 2017-08-01 14:05:00
 სრულიად საქართველოს კათოლიკოს-პატრიარქმა ილია მეორემ ამერიკის ვიცე-პრეზიდენტს საჩუქრად ოქროს სამაჯური, ხოლო მის მეუღლეს ოქროს ჯვარი გადასცა.        ამის შესახებ ჟურნალისტებს სიონის საკათედრო ტაძრის პროტოპრესვიტერმა გიორგი ზვიადაძემ განუცხადა.        მისი  თქმით, პატრიარქმა სტუმრებს საჩუქრები ამერიკის შეერთებული შტატების პრეზიდენტის, დონალდ ტრამპისთვის და პირველი ლედისთვის, მელანია ტრამპისთვისაც გადასცა.        “სრულიად საქართველოს კათოლიკოს-პატრიარქმა ილია მეორემ პატივისცემის ნიშნად სტუმარს საჩუქრად გადასცა ოქროს სამაჯური, ასევე მის მეუღლეს – ოქროს ჯვარი, ცნობილი, როგორც თამარის ჯვარი. კათოლიკოს-პატრიარქმა სთხოვა ვიცე-პრეზიდენტს, რომ თუ შეიძლებოდა მას გადაეცა საჩუქარი აშშ-ს პრეზიდენტ დონალდ ტრამპისთვის და პირველი ლედის, მელანია ტრამპისთვის. ვიცე-პრეზიდენტმა დიდი პატივით უპასუხა, რომ ის პირადად გადასცემდა საჩუქრებს აშშ-ის პრეზიდენტსა და პირველ ლედის”, - განაცხადა მამა გიორგი ზვიადაძემ.       მისი  თქმით, აშშ-ის პრეზიდენტისა და პირველი ლედისთვის პატრიარქმა მაიკ პენსს გადასცა ასევე ოქროს სამაჯური და ოქროს ჯვარი.       როგორც გიორგი ზვიადაძემ განაცხადა, სტუმრისთვის გადაცემულ ოქროს სამაჯურზე არის წარწერა: “ღმერთმა დაგლოცოთ” და კათოლიკოს-პატრიარქის ილია მეორის ხელმოწერა.
წაკითხვა
პოლიტიკა
პესკოვი: რუსეთს აღელვებს არა მეზობლების ურთიერთობა შეერთებულ შტატებთან, არამედ ალიანსების გაფართოება მის საზღვრებთან
გამოქვეყნებულია: 2017-08-01 12:30:00
 რუსეთი პატივის სცემს მისი მეზობელი ქვეყნების ურთიერთობას შეერთებულ შტატებთან, თუმცა შეშფოთებას გამოხატავს იმ შემთხვევებთან დაკავშირებით, როცა საუბარი ეხება სამხედრო ინფრასტრუქტურის ზრდას მის საზღვრებთან.    ამის შესახებ ჟურნალისტებს რუსეთის პრეზიდენტის პრეს-მდივანმა დიმიტრი პესკოვმა განუცხადა საქართველოსა და ბალტიისპირეთის ქვეყნებში შეერთებული შტატების ვიცე-პრეზიდენტის მაიკ პენსის ვიზიტის შეფასებისას.       პესკოვის განცხადებით, საუბარია იმ სუვერენულ ქვეყნებზე, რომლებიც ურთიერთობას სხვა ქვეყნებთან თავიანთი შეხედულებით ალაგებენ და „რუსეთს ამასთან დაკავშირებით პრობლემები არ აქვს“.        „მსგავსი თანამშრომლობა ჩვენთვის პრობლემური ხდება მხოლოდ მაშინ, როცა ამას მოჰყვება გარკვეული ალიანსების გაფართოება და ამ ალიანსების სამხედრო ინფრასტრუქტურის ზრდა ჩვენს საზღვრებთან. ეს იწვევს მხოლოდ ჩვენს შეშფოთებას. რა თქმა უნდა ჩვენ პატივს ვცემთ ჩვენი მეზობელი ქვეყნების ურთიერთობას შეერთებულ შტატებთან და სხვა ქვეყნებთან“ - განაცხადა რუსეთის პრეზიდენტის პრეს-მდივანმა.
წაკითხვა
პოლიტიკა
პენსი:მზად ვართ კიდევ უფრო გავამყაროთ ჩვენი ურთიერთობები
გამოქვეყნებულია: 2017-08-01 12:26:00
ჩვენ მზად ვართ, კიდევ უფრო დავუახლოვდეთ საქართველოს, უფრო ჩავწვდეთ მის შემართებას და კიდევ უფრო გავამყაროთ ჩვენი ურთიერთობები.  ამის შესახებ ამერიკის შეერთებული შტატების ვიცე-პრეზიდენტმა მაიკ პენსმა მთავრობის ადმინისტრაციაში პრემიერ-მინისტრ გიორგი კვირიკაშვილთან ერთობლივი განცხადების დროს აღნიშნა.      აშშ-ის ვიცე-პრეზიდენტის თქმით, საქართველო აშშ-ის სტრატეგიული პარტნიორია.         „საქართველოს მოსახლეობის გმირობა ყოველთვის დიდ შთაბეჭდილებას ახდენდა ჩემზე, საქართველო იმყოფებოდა ხალხთა საპყრობილეში - საბჭოთა კავშირში, შემდეგ დაიმსხვრა ეს სასტიკი რეჟიმი და საქართველომ ხელი გაუწოდა დასავლეთისა და ევროპული ქვეყნების მხარდაჭერისთვის და ჩვენ მზად ვართ, კიდევ უფრო დავუახლოვდეთ საქართველოს, უფრო ჩავწვდეთ მის შემართებას და კიდევ უფრო გავამყაროთ ჩვენი ურთიერთობები. ჩვენი ძალისხმევის სრული რეალიზაცია მოვახდინოთ, რათა საქართველოში სტრატეგიული და უსაფრთხოების სიტუაცია კიდევ უფრო გამყარდეს. საქართველო გახლავს ამერიკის სტრატეგიული პარტნიორია. უკვე ათწლეულებია, რაც საქართველოს სამხედრო მოსამსახურეები ამერიკელებთან იბრძვიან ავღანეთში, ერაყში, კოსოვოში. რაც შეეხება ავღანეთს, საქართველომ ერთ სულ მოსახლეზე ყველაზე მეტი შეირაღებული ძალების წარმომადგენლები გადაისროლა ავღანეთში, ვიდრე ნებისმიერი სხვა ქვეყნის წარმომადგენლებზე. საქართველოს 31-მა მოქალაქემ სიცოცხლე შესწირა და მათი ხსოვნა მუდმივად ამერიკელების გულში დარჩება. ამერიკელები ქართველებთან გლოვობენ მათ დაღუპვას“,- აღნიშნა მაიკ პენსმა.
წაკითხვა
პოლიტიკა
კვირიკაშვილი: მნიშვნელოვანია, მოიძებნოს კონკრეტული გადაწყვეტილებები საქართველოს ტერიტორიის დეოკუპაციის უზრუნველსაყოფად
გამოქვეყნებულია: 2017-08-01 12:23:00
 აშშ-ის მხარდაჭერა უმნიშვნელოვანესია საქართველო-რუსეთის კონფლიქტის მშვიდობიანი დარეგულირების პროცესში. ჩვენ ძალიან ვაფასებთ აშშ-ის მტკიცე და ურყევ პოზიციას საქართველოს ტერიტორიული მთლიანობისადმი.    ამის შესახებ   საქართველოს პრემიერ-მინისტრმა გიორგი კვირიკაშვილმა აშშ-ის ვიცე-პრეზიდენტთან ერთობლივი პრესკონფერენციისას განაცხადა.      მისი  თქმით, უპრეცედენტო იყო პრეზიდენტ  ტრამპის, პირადად ვიცე-პრეზიდენტის, ახალი ადმინისტრაციისა და კონგრესის მიერ საქართველოს ოკუპირებულ ტერიტორიებთან დაკავშირებით მიღებული გადაწყვეტილებები.            „დღეს ჩვენ ვისაუბრეთ იმ დიდ გამოწვევებზე, რომელიც ოკუპაციის შედეგად ჩვენს ქვეყანას აქვს. აშშ დიდ როლს თამაშობს ჟენევის საერთაშორისო დისკუსიების ფორმატში და მნიშვნელოვანია, რომ მაღალი დონის ჩართულობით მოძებნილ იქნას კონკრეტული გადაწყვეტილებები საქართველოს ტერიტორიის დეოკუპაციის და უსაფრთხოების უზრუნველსაყოფად, ისევე, როგორც კონფლიქტის პოლიტიკური დარეგულირების მიმართულებით.         ბოლოს, მინდა ერთმნიშვნელოვნად დავადასტურო, რომ საქართველო იყო, არის და იქნება აშშ-ის გვერდით, როდესაც საქმე ეხება მსოფლიოში არსებულ ყველა მნიშვნელოვან გამოწვევას თუ საფრთხეს. ჩვენი სტრატეგიული პარტნიორობა ორიენტირებულია როგორც საქართველოს, ისე რეგიონული და გლობალური უსაფრთხოების განმტკიცებაზე, მშვიდობიანი და დემოკრატიული განვითარების ხელშეწყობაზე“. -განაცხადა  კვირიკაშვილმა.
წაკითხვა
პოლიტიკა
პენსი: ტრამპის ადმინისტრაცია ყოველთვის მკაცრ პასუხს გასცემს იმ ქვეყნებს, რომელთაც პრეტენზია ექნებათ, საქართველოს სუვერენტიტეტი და ტერიტორიული მთლიანობა ხელყონ
გამოქვეყნებულია: 2017-08-01 12:19:00
დონალდ ტრამპის ადმინისტრაცია ყოველთვის მკაცრ პასუხს გასცემს იმ ქვეყნებს, რომელთაც პრეტენზია ექნებათ, საქართველოს სუვერენტიტეტი და ტერიტორიული მთლიანობა ხელყონ. ამის შესახებ აშშ-ის ვიცე-პრეზიდენტმა, მაიკ პენსმა საქართველოს პრემიერ-მინისტრ გიორგი კვირიკაშვილთან ერთად გამართულ პრესკონფერენციაზე განაცხადა.        როგორც პენსმა აღნიშნა, დღეს გლობალური პარტნიორობის წვრთნა მიმდინარეობს, სადაც მრავალი ქვეყნის წარმომადგენელი მონაწილეობს, რაც საქართველოს საშუალებას აძლევს, თავისი თავდაცვისუნარიანობა გაამყაროს. ეს არის ერთ-ერთი მაგალითი ამერიკის დახმარების საქართველოს თავდაცვის უნარის განმტკიცებაში.      მისი  თქმით, სულ 40 კილომეტრის დაშორებით რუსული ტანკები განლაგებულია საქართველოს ოკუპირებულ ტერიტორიაზე და 20 პროცენტი ოკუპირებულია.      "ხაზს ვუსვამ, რომ ამერიკა მკაცრად გმობს რუსეთის მიერ საქართველოს ოკუპაციას. ამერიკა მხარდაჭერას უცხადებს საქართველოს ტერიტორიულ მთლიანობას,  სუვერენუტიტეტს.  დონალდ ტრამპის ადმინისტრაცია ყოველთვის მკაცრ პასუხს გასცემს იმ ქვეყნებს, რომელთაც პრეტენზია ექნებათ, საქართველოს სუვერენტიტეტი და ტერიტორიული მთლიანობა ხელყონ",-აღნიშნა პენსმა.  
წაკითხვა
პოლიტიკა
ბაქრაძე: მივიღეთ მხარდაჭერა საქართველოს უსაფრთხოებასთან და ქვეყნის ტერიტორიულ მთლიანობასთან დაკავშირებით
გამოქვეყნებულია: 2017-08-01 09:57:00
აშშ-ის ვიცე-პრეზიდენტის მხრიდან მივიღეთ სრულიად მკაფიო მხარდაჭერა საქართველოს უსაფრთხოებასთან და ქვეყნის ტერიტორიულ მთლიანობასთან დაკავშირებით.  ამის შესახებ  “ევროპული საქართველოს“ ლიდერმა დავით ბაქრაძემ მაიკ პენსთან შეხვედრის დასრულების შემდეგ განაცხადა.        “იყო ძალიან მკაფიო მესიჯი, რომ ამერიკის შეერთებული შტატების ახალი ადმინისტრაცია და პრეზიდენტი ტრამპი აგრძელებს საქართველოს უსაფრთხოების მხარდაჭერის მკაფიო პოლიტიკას, რაც ყველაზე დიდი გარანტიაა იმისა, რომ საქართველო მომავალში აუცილებლად იქნება ერთიანი, აუცილებლად იქნება ნატო-ს წევრი და ისევე დაცული და წარმატებული ქვეყანა, როგორც დღეს არის ესტონეთი, საიდანაც აშშ-ს ვიცე-პრეზიდენტი ჩამოვიდა და როგორიც არის მონტენეგრო, სადაც საქართველოდან მიდის. მაიკ პენსის ვიზიტის მესიჯები, მარშუტი ცალსახად ადასტურებას აშშ-ს ძლიერ მხარდაჭერას საქართველოს ტერიტორიული მთლიანობის მიმართ”, - განუცხადა ჟურნალისტებს დავით ბაქრაძემ.       მისი  ინფორმაციით, ოპოზიციასთან შეხვედრისას იყო ღია საუბარი და მხარდაჭერა საქართველოს ნატო-ში ინტეგრაციის საკითხის მიმართ.         დავით ბაქრაძის თქმით, საუბარი შეეხო ქვეყნის შიდა დემოკრატიულ განვითარებას და ამ მიმართულებით არსებულ პრობლემებს. 
წაკითხვა
პოლიტიკა
მაიკ პენსი ოპოზიციური პარტიების ლიდერებს ხვდება
გამოქვეყნებულია: 2017-08-01 09:54:00
რუსეთიდან მომდინარე საფრთხეები, ქვეყანაში არსებული მდგომარეობა და ამერიკასთან ორმხრივი ურთიერთობების გაღრმავება - ეს იმ საკითხების მოკლე ჩამონათვალია, რაზეც ოპოზიციური პარტიების ლიდერები მაიკ პენსთან შეხვედრისას ისაუბრებენ.         შეხვედრაზე ოთხი პოლიტიკური პარტიის ლიდერები - „ევროპული საქართველოდან“ დავით ბაქრაძე, „ერთიანი ნაციონალური მოძრაობიდან“ ნიკა მელია, „შენების მოძრაობიდან“ დავით უსუფაშვილი და „თავისუფალი დემოკრატებიდან“ შალვა შავგულიძე იმყოფებიან. „ევროპული საქართველოს“ ლიდერის დავით ბაქრაძის განმარტებით შეხვედრის დროს მთავარი თემა ქვეყნის უსაფრთხოება იქნება.        „ამერიკის მხარდაჭერას გადამწყვეტი მნიშვნელობა აქვს საქართველოს უსაფრთხოებისთვის. ამ თემაში შედის ერთობლივი ნაბიჯები რუსული ოკუპაციის წინააღმდეგ და ასევე, ამ თემაში მოვიაზრებთ ნატო-ში გაწევრიანებას, რაც არის მუდმივმოქმედი გარანტია ქვეყნის ტერიტორიული მთლიანობის დაცვის“, - განაცხადა დავით ბაქრაძემ. „თავისუფალი დემოკრატების“ თავმჯდომარის შალვა შავგულიძის განმარტებით კი, მაიკ პენსთან შეხვედრაზე ქვეყნის უსაფრთხოების საკითხთან ერთად ყურადღებას ქვეყანაში არსებულ მდგომარეობაზეც გაამახვილებს.„ყურადღებას გავამახვილებთ ჩვენი ქვეყნის განვითარებისთვის ხელისშემშლელ ისეთ ფაქტორზე, როგორიც არის ინსტიტუციური მმართველობის მოშლა. ძალაუფლების დიდი რაოდენობით კონცენტრირება მმართველი პოლიტიკური ძალის ხელში და არაფორმალური მმართველობა“, - განაცხადა შალვა შავგულიძემ. 
წაკითხვა
პოლიტიკა
თბილისის ქუჩებში გარკვეული შეზღუდვებია
გამოქვეყნებულია: 2017-08-01 09:54:00
საქართველოში ამერიკის შეერთებული შტატების ვიცე-პრეზიდენტის მაიკლ პენსის ვიზიტთან დაკავშირებით, თბილისის ქუჩებში შსს-ს საპატრულო პოლიციის დეპარტამენტის მიერ დაწესებული გარკვეული შეზღუდვები მოქმედებს.      კერძოდ, როგორც შინაგან საქმეთა სამინისტროს განცხადებაშია ნათქვამი, 1-ელი აგვისტოს 17  საათამდე ავტომანქანებით გადაადგილება აკრძალულია ჭანტურიას ქუჩაზე;  16  საათამდე დაიკეტა ასევე რუსთაველის გამზირი. 
წაკითხვა

უახლესი