საზოგადოებრივი
104.5 FM
პოლიტიკა
კვირიკაშვილი ნეთანიაჰუს შეხვდა
გამოქვეყნებულია: 2017-07-24 15:09:00
 საქართველოს პრემიერ-მინისტრ, გიორგი კვირიკაშვილის ოფიციალური ვიზიტი ისრაელის სახელმწიფოში პრემიერ-მინისტრ, ბენიამინ ნეთანიაჰუსთან პირისპირ შეხვედრით დაიწყო.       მთავრობის ადმინისტრაციის  ინფორმაციით,    საუბრის მთავარი თემები ორმხრივი თანამშრომლობის პოზიტიური დინამიკა, 25-წლიანი დიპლომატიური ურთიერთობები და სხვადასხვა სფეროში გამოცდილების გაზიარება იყო.     პრემიერ-მინისტრებმა განიხილეს ორი ქვეყნის კონკრეტულ უწყებებს შორის არსებული პარტნიორობა და მისი შემდგომი გაღრმავების პერსპექტივები.        გიორგი კვირიკაშვილმა განაცხადა, რომ მთავრობა მიესალმება ისრაელის კომპანიების ინტერესს საქართველოში ინვესტირების მიმართულებით და მათი ხელშეწყობისთვის მზად არის.        პრემიერ-მინისტრებმა ასევე ისაუბრეს უსაფრთხოების სფეროში ორ ქვეყანას შორის არსებულ თანამშრომლობაზე.        ”საუბარი შეეხო ინოვაციებისა და ტექნოლოგიების სფეროს განვითარებას, რასაც საქართველოს მთავრობა დიდ ყურადღებას უთმობს და დაინტერესებულია ამ მიმართულებით ისრაელის გამოცდილების გაზიარებით.       ისრაელის სახელმწიფოს პრემიერ-მინისტრმა საქართველოს ტერიტორიული მთლიანობისა და სუვერენიტეტისადმი მხარდაჭერა კიდევ ერთხელ დაადასტურა. გიორგი კვირიკაშვილმა ბენიამინ ნეთანიაჰუ საქართველოში მიიწვია”, - აცხადებენ მთავრობის ადმინისტრაციაში.
წაკითხვა
პოლიტიკა
აბაშიშვილი:პრეზიდენტის მოტივირებული შენიშვნების გაზიარებით საქართველოს პარლამენტი მოიგებს
გამოქვეყნებულია: 2017-07-24 14:06:00
პრეზიდენტის მოტივირებული შენიშვნების გაზიარებით საქართველოს პარლამენტი მოიგებს. ამის შესახებ პრეზიდენტის ადმინისტრაციის ხელმძღვანელმა, გიორგი აბაშიშვილმა განაცხადა.        აბაშიშვილი გამოეხმაურა პრეზიდენტის ვეტოს და აღნიშნა, რომ მოტივირებული შენიშვნების გაზიარებით, უკეთეს კანონმდებლობას მივიღებთ. აბაშიშვილი ელოდება, რომ უმაღლესი საკანონმდებლო ორგანო შენიშვნებს გაიზიარებს.         ” ძალიან ღირებული შენიშვნებია და ვფიქრობ, აღნიშნული მოტივირებული შენიშვნებით მხოლოდ მოიგებს საქართველოს პარლამენტი და მივიღებთ უკეთეს კანონმდებლობას. მე ამის იმედი მაქვს”.  განაცხადა  აბაშიშვილმა.     მისი  თქმით,   პრეზიდენტის ადმინისტრაცია მზად არის ნებისმიერი ტიპის კომუნიკაციისთვის, რათა საბოლოო ჯამში მოტივირებული შენიშვნები გაზიარებული იქნას.       შეგახსენებთ, რომ გიორგი მარგველაშვილმა ვეტოს უფლებამოსილება პარლამენტის მიერ მიღებულ სამ კანონპროექტთან დაკავშირებით გამოიყენა.        აქედან ერთი ”ადგილობრივი თვითმმართველობის კოდექსში” განხორციელებული ცვლილებების პროექტია, ხოლო ორი - ”საარჩევნო კოდექსთან” დაკავშირებული სხვადასხვა კანონპროექტი.
წაკითხვა
პოლიტიკა
ოკუპირებულ სამხრეთ ოსეთში რუსეთის დანაყოფები ფართომასშტაბიან წვრთნებს გადიან
გამოქვეყნებულია: 2017-07-24 14:01:00
ოკუპირებულ სამხრეთ ოსეთში, რუსეთის სამხედრო ბაზაზე განლაგებული დანაყოფები ფართომასშტაბიან წვრთნებს გადიან. ამის შესახებ ინფორმაციას რუსეთის შეიარაღებული ძალების სამხრეთ სამხედრო ოლქის პრესსამსახური ავრცელებს.         სამხრეთ სამხედრო ოლქის სარდლობის ინფორმაციით, სამხედრო წვრთმებში 16 ათასი სამხედრო და შეიარაღებისა და სამხედრო ტექნიკის 4 ათასი ერთეულია ჩართული.          სამხედრო ოლქის პრესსამსახურში ასევე აღნიშნეს, რომ ოფიცრები პრაქტიკაში შეისწავლიან დანაყოფების საომარი მზაობის გაუმჯობესების პერსპექტიულ მიმართულებებს ახალი დირექტივების გათვალისწინებით. 
წაკითხვა
პოლიტიკა
კობახიძე-მარშანიას:რუსეთში ვიზიტის შესახებ პარტიულ ანგარიშს ბიურო ვერ მოისმენს
გამოქვეყნებულია: 2017-07-24 13:58:00
პარლამენტის თავმჯდომარე, ირაკლი კობახიძემ ”პატრიოტთა ალიანსის” წევრ, ადა მარშანიას ბიუროს სხდომაზე რუსეთში ვიზიტის დეტალებზე საუბარი შეაწყვეტინა.       ადა მარშანია ბიუროს სხდომაზე დეპუტატებს რუსეთში ვიზიტის და შეხვედრების დეტალებს აცნობდა, რა დროსაც მას კობახიძემ მიმართა და განუცხადა, რომ ”პარტიული ვიზიტის შესახებ ანგარიშს ბიურო ვერ მოისმენს”.       "თქვენ თუ გინდათ პარტიებთან საუბარი, შეგიძლიათ მოიწვიოთ და პარტიების წარმომადგენლებს ესაუბროთ. პარტიულ ბრიფინგებს არ უსმენენ ბიუროზე, არამედ საუბრობენ ბრიფინგებზე. კანონმდებლობით, პარტიული ვიზიტის შესახებ ანგარიშს ბიურო ვერ მოისმენს, იძულებული ვარ, დავასრულო ბიუროს სხდომა", - მიმართა კობახიძემ ადა მარშანიას, რის შემდეგაც კობახიძემ ბიუროს სხდომა დასრულებულად გამოაცხადა.      ადა მარშანიამ პასუხად აღნიშნა, რომ ვისაც მოსმენა არ სურდა, შეეძლო სხდომა დემონსტრაციულად დაეტოვებია. საბოლოოდ, მარშანიას განცხადების გაკეთება ნახევრად ცარიელ დარბაზში მოუწია.
წაკითხვა
პოლიტიკა
იუსტიციის უმაღლესი საბჭო მოსამართლეთა კონკურსის გარეშე გადანიშვნა-დაწინაურების საკითხზე მსჯელობს
გამოქვეყნებულია: 2017-07-24 13:56:00
იუსტიციის უმაღლესი საბჭოს სხდომაზე რეგლამენტში ცვლილებებზე მსჯელობენ, რომელიც მოსამართლეთა კონკურსის გარეშე გადანიშვნა-დაწინაურებას ეხება. როგორც იუსტიციის უმაღლესი საბჭოს წევრმა, ნაზი ჯანეზაშვილმა განაცხადა, კონკურსის გარეშე მოსამართლის გადანიშნვა-დაწინაურება საზოგადოებაში კითხვებს გააჩენს.       "დღევანდელ სხდომაზე ჩვენ ვიმსჯელებთ რეგლამენტში ცვლილებებთან დაკავშირებით, რაც გულისხმობს მოსამართლეთა უკონკურსო გადაყვანას და დაწინაურებას სხვა სასამართლოში. აღნიშნული საკითხი არის კრიტიკულად მნიშვნელოვანი, რადგან პირველ რიგში, მოსამართლეებს უნდა ჰქონდეს ნდობა ამ პროცესისადმი და ასევე, საზოგადოებას უნდა ჰქონდეს ნდობა ჩვენი გადაწყვეტილებისადმი. ისეთი პროცედურები უნდა დავადგინოთ, რომელიც იქნება გამჭვირვალე და მოსამართლეების უკონკურსოდ დაწინაურება არ გააჩენს შეკითხვებს", - განაცხადა ნაზი ჯანეზაშვილმა.            მისი განმარტებით, დღეს განიხილება ერთ-ერთი მოქმედი მოსამართლის სხვა სასამართლოში გადაყვანის საკითხი, რის შესახებაც ინფორმაცია საბჭოს ვებ-გვერდზე იყო განთავსებული და ნებისმიერ სხვა მოსამართლეს შეეძლო "ერთგვარ კონკურსში" მონაწილეობა, თუმცა ახალი ინიციატივის მიხედვით, კონკურსის შესახებ ინფორმაცია ღია აღარ იქნება.
წაკითხვა
პოლიტიკა
პარლამენტი პრეზიდენტს 26 ივლისს რიგგარეშე პლენარული სხდომის დანიშვნის თხოვნით მიმართავს
გამოქვეყნებულია: 2017-07-24 13:54:00
პარლამენტი პრეზიდენტს 26 ივლისს რიგგარეშე პლენარული სხდომის დანიშვნის თხოვნით მიმართავს. როგორც პარლამენტის თავმჯდომარე, ირაკლი კობახიძემ დღეს გამართულ ბიუროს სხდომაზე განაცხადა, ის პრეზიდენტს დღესვე მიმართავს.        კობახიძის ინფორმაციით, პარლამენტს აქვს დარჩენილი რიგი საკითხები, რომლებიც უნდა იქნას განხილული, მათ შორის, საქართველოს კანონის პროექტი „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“; საქართველოს კანონის პროექტი „ნარკოტიკული დანაშაულის წინააღმდეგ ბრძოლის შესახებ“ საქართველოს კანონში ცვლილების შეტანის თაობაზე“; საქართველოს კანონის პროექტი „საქართველოს სისხლის სამართლის კოდექსში ცვლილების შეტანის შესახებ“; საქართველოს კანონის პროექტი „არასაპატიმრო სასჯელთა აღსრულების წესისა და პრობაციის შესახებ“ საქართველოს კანონში ცვლილების შეტანის თაობაზე“. ამასთან, რიგგარეშე სხდომაზე პარლამენტი პრეზიდენტის მიერ წარდგენილ მოტივირებულ შენიშვნებზე იმსჯელებს. 
წაკითხვა
პოლიტიკა
ბესელია: ვეტოების ასე გაუფასურებით გამოყენება აკნინებს მისი მანდატის შინაარს
გამოქვეყნებულია: 2017-07-24 13:52:00
ვეტოების ასე გაუფასურებით გამოყენება, მხოლოდ აკნინებს მისი მანდატის შინაარსსაც და მასაც, ვინც ასეთ ვეტოებს იყენებს.  ამის შესახებ საპარლამენტო უმრავლესობის წევრმა, ეკა ბესელიამ ,,ადგილობრივი თვითმმართველობის კოდექსსა" და ,,საარჩევნო კოდექსზე" პრეზიდენტის ვეტოების შესახებ დასმული კითხვის საპასუხოდ განაცხადა.       ,,ვეტო არ არის არც განსჯის, არც დაფიქრების, არც გამოწვევების პოლიტიკური იარაღი. ვეტო არის ის სამართლებრივი და პოლიტიკური ბერკეტი, რომელიც უნდა გამოიყენებოდეს იშვიათ შემთხვევაში და მაშინ, როდესაც კონსტიტუციასთან შეუსაბამო, რაიმე ისეთი გადაწყვეტილება ხდება, რომელიც მართლაც იწვევს ასეთი უკიდურესი შემაკავებელი მექანიზმის გამოყენების საჭიროებას. ვეტოების ასე გაუფასურებით გამოყენება, მხოლოდ აკნინებს მისი მანდატის შინაარსაც და მასაც, ვინც ასეთ ვეტოებს იყენებს", - განაცხადა ბესელიამ.
წაკითხვა
პოლიტიკა
სოფელ ბერშუეთთან საქართველოს ორი მოქალაქე დააკავეს
გამოქვეყნებულია: 2017-07-24 13:51:00
საოკუპაციო ძალების წარმომადგენლებმა გორის მუნიციპალიტეტში, სოფელ ბერშუეთის განაპირას საქართველოს ორი მოქალაქე დააკავეს.       სოფელ ბერშუეთის მცხოვრებელი ზაზა ბერიანიძე და სოფელ ზერტის მცხოვრები ლევან ტურაშვილი სოფლის განაპირას სამების სახელობის ეკლესიის მოსალოცად იმყოფებოდნენ, რა დროსაც შეიარაღებული ფორმიანები გამოჩნდნენ და ორივე მამაკაცი ე.წ. საზღვრის უკანონოდ გადაკვეთის ბრალდებით დააკავეს. ისინი ოსური მხარის კონტროლირებადი ტერიტორიის მიმართულებით წაიყვანეს.        თვითმხილველთა განცხადებით, ბერიანიძეს და ტურაშვილს საოკუპაციო ხაზი არ გადაუკვეთავთ და საქართველოს ცენტრალური ხელისუფლების მიერ კონტროლირებად ტერიტორიაზე იმყოფებოდნენ.        გორის მუნიციპალიტეტის გამგებლის წარმომადგენელი დავით ცერცვაძე აცხადებს, რომ სამების ეკლესიის მიმდებარე ტერიტორიაზე ქართული სოფლების მოსახლეობა ჩვეულებრივ გადაადგილდება და ამ ტერიტორიაზე დაკავება არ უნდა მომხდარიყო. მისივე განცხადებით, ტურაშვილს და ბერიანიძეს ე.წ. საზღვარი არ გადაუკვეთავთ.          გატაცებულების ოჯახებს ჯერ არავინ დაკავშირებია. 
წაკითხვა
პოლიტიკა
NDI: ჩვენ გადავაწყდით ორ საქართველოს - ერთს, რომელსაც მმართველი პარტია ხედავს და მეორეს, რომელიც ყველა დანარჩენმა აღგვიწერა, ვისაც შევხვდით
გამოქვეყნებულია: 2017-07-21 16:52:00
 ეროვნულ-დემოკრატიული ინსტიტუტის (NDI) საქართველოს ოფისის დირექტორის ლორა თორნტონის განცხადებით, ადგილობრივი თვითმმართველობის არჩევნებს საქართველო მდიდარი დემოკრატიული გამოცდილებით უახლოვდება. ამის შესახებ მან დღეს გამართულ პრესკონფერენციაზე განაცხადა. მისი თქმით, ქართველებს შეუძლიათ, ბევრი მიღწევით იამაყონ.       თორნტონის განცხადებით, წინასაარჩევნო დელეგაცია გადააწყდა ორ საქართველოს - ერთს, რომელსაც მმართველი პარტია ხედავს და მეორეს, რომელიც ყველა დანარჩენმა აღწერა, ვისაც შეხვდნენ.„ვესაუბრეთ სამთავრობო გუნდს, საერთაშორისო ორგანიზაციებს, დიპკორპუსს და ა.შ. საერთო ჯამში, საქართველო ამ არჩევნებს უახლოვდება მდიდარი დემოკრატიული გამოცდილებით. ქართველებს შეუძლიათ, ბევრი მიღწევით იამაყონ, მრავალფეროვანი პოლიტიკური გარემო და დემოკრატიის მაღალი მხარდაჭერა. ქართველები მაღალ სტანდარტებს აწესებენ და ჩვენც ასე დავაწესებთ. ჩვენ გადავაწყდით ორ საქართველოს - ერთს, რომელსაც მმართველი პარტია ხედავს და მეორეს, რომელიც ყველა დანარჩენმა აღგვიწერა, ვისაც ჩვენ შევხვდით. „ქართული ოცნების“ საქართველოში ცოტა გამოწვევის წინაშეა ქვეყანა, მედია თავისუფალია, „რუსთავი 2“-ია გამონაკლისი; საარჩევნო და პოლიტიკურ საკითხებთან დაკავშირებით, დავები დროულად განიხილება. რეფორმების განხორციელებას ერთი მიზანი აქვს, რომ დამკვიდრდეს სწორი დემოკრატიული პრაქტიკა. მეორე საქართველო სხვანაირია. არის ის, რომ „ქართული ოცნება“ ახდენს ძალაუფლების კონსოლიდირებას ერთი პარტიის ხელში, არის ზეწოლა დამფინანსებელი წყაროების მოძიებისთვის, არათანაბარი პოლიტიკური გარემო. რეფორმების განხორციელდება ხდება მთავრობის ინტერესებიდან გამომდინარე. მიუხედავად ამ ვერსიების სიზუსტისა, ან პირიქით ამგვარი განსხვავება არ არის კარგი და საზოგადოების გარიყვას უწყობს ხელს. ადგილობრივი არჩევნები მნიშვნელოვანია, ეს არის შესაძლებლობა იმისა, რომ მოსახლეობისთვის მნიშვნელოვან საკითხებზე მოხდეს აქცენტის გაკეთება. თუმცა, ამ არჩევნებს ეროვნული მნიშვნელობა აქვს, ეს იქნება ტესტი ზოგიერთი პარტიისთვის, რამდენად შეუძლიათ კონკურენციის გაწევა“, - განაცხადა მან.ეროვნულ-დემოკრატიულმა ინსტიტუტმა (NDI) დღეს გამართულ პრესკონფერენციაზე წინასაარჩევნო დელეგაციის ანგარიში წარადგინა. 
წაკითხვა
პოლიტიკა
ნარმანია: ჩვენ არასდროს მივიღებთ ისეთ გადაწყვეტილებას, რომელიც ხალხზე უარყოფითად აისახება
გამოქვეყნებულია: 2017-07-21 16:50:00
 ჩვენ არასდროს მივიღებთ ისეთ გადაწყვეტილებას, რომელიც ხალხზე უარყოფითად აისახება. ამის შესახებ დედაქალაქის მერმა, დავით ნარმანიამ ელიავას ბაზრობის ტერიტორიასთან დაკავშირებით დასმული კითხვის საპასუხოდ ჟურნალისტებს განუცხადა. მისი   თქმით, ყველა ადამიანს შეუძლია მშვიდად იყოს.            ”გენერალური გეგმის ჯგუფი მზად არის შეხვდეს ელიავას ბაზრობის წარმომადგენლებს, მოისმინოს მათი მოსაზრებები. მათი გარკვეული ნაწილის მოსაზრებები ჩვენთვის ცნობილია, ვინაიდან ტერიტორიის განვითარებასთან დაკავშირებით მათი მხრიდან გეგმა არის მომზადებული. მე მათ დავპირდი, რომ საკრებულოში ცალკე შეხვედრა გაიმართება. მნიშვნელოვანია და მთავარია არ ავყვეთ ემოციებს. ჩვენ არასდროს მივიღებთ ისეთ გადაწყვეტილებას, რომელიც ხალხს ეხება და ხალხზე უარყოფითად აისახება. ასე რომ ყველა ადამიანს შეუძლია იყოს მშვიდად”, - განაცხადა დავით ნარმანიამ. 
წაკითხვა
პოლიტიკა
ელიავას ბაზრობის თანამშრომელთა ნაწილი ბაზრობის სხვა ადგილას გადატანის წინააღმდეგია
გამოქვეყნებულია: 2017-07-21 16:44:00
"ელიავას ბაზრობის" თანამშრომელთა ნაწილი ბაზრობის სხვა ადგილას გადატანის წინააღმდეგია. "ელიავას ბაზრობის" საკითხი ხმაურის მიზეზი გახდა ტექნიკურ უნივერსიტეტში გამართულ შეხვედრაზე, სადაც დედაქალაქის მერი, დავით ნარმანია და თბილისის მიწათსარგებლობის გენერალურ გეგმაზე მომუშავე ჯგუფი პროფესორ-მასწავლებლებს შემუშავებულ კონცეფციას აცნობს.        როგორც ჟურნალისტებთან საუბრისას "ელიავას ბაზრობის" ერთ-ერთმა მესაკუთრემ, თეა ანდრიაძემ განაცხადა, უნდა მოხდეს ტერიტორიის რეკონსტრუქცია და გალამაზება.         მისი    თქმით, პროექტი არსებობს, თუმცა შესაბამის სამსახურებს არ განუხილავთ.  ანდრიაძე ტერიტორიაზე დასაქმებულების ინტერესებზე ამახვილებს ყურადღებას.        ამასთან, "ელიავას ბაზრობაზე" ორი მაღაზიის მეპატრონის, მამუკა კაპანაძის თქმით, ბაზრობის გადატანა შექმნის პრობლემას. მისივე თქმით, ტერიტორიაზე დასაქმებულ მოქალაქეებს კრედიტები აქვთ. მისი თქმით, ბაზრობის გადატანას "ყველა ეწინააღმდეგება".
წაკითხვა
პოლიტიკა
პროკურორი: მეუფე პეტრე დაინტერესებული პირია
გამოქვეყნებულია: 2017-07-21 16:14:00
ე.წ. ციანიდის საქმის პროკურორის, ჯარჯი წიკლაურის განცხადებით, მეუფე პეტრესთან არსებობს კითხვები, თუ რატომ იზიარებს ის ბრალდებულის პოზიციას.   ამის შესახებ ჯარჯი წიკლაურმა ჭყონდიდელი მიტროპოლიტის სასამართლოში დაკითხვის შემდეგ განაცხადა.          პროკურორს აინტერესებს, რატომ ცდილობს მეუფე პეტრე ოქრომჭედლის ვერსიაზე არასწორი სურათი დახატოს და რატომ ცდილობს გამოძიების დაწყებიდან ბრალდებულს ხელი შეუწყოს, თავი დააღწიოს ამ მძიმე დანაშაულს.                მისი       თქმით, მეუფე პეტრეს დაინტერესება ამ საქმით იქიდან გამომდინარე ჩანს, რომ პირადად მან აუყვანა დეკანოზს ადვოკატი.           ”მეუფე პეტრეს საჯარო განცხადებები საპატრიარქოში არსებულ თითქოსდა დარღვევებზე, შორენა თეთრუაშვილის ჩრდილოვან მმართველობაზე, ბრალდებულის მსხვერპლად წარმოჩენაზე, დღევანდელ სასამართლოზეც გამოჩნდა, რომ იყო მეუფის, როგორც დაინტერესებული მხარის სუბიექტური მოსაზრებები. მან ამის დასტურად ვერც ერთი ფაქტი თუ მტკიცებულება ვერ წარმოადგინა. გამოჩნდა, რომ ის არის დაინტერესებული მხარე, ვინაიდან პირადად აუყვანა ბრალდებულს ადვოკატი. მის ჩვენებას, რა თქმა უნდა, სასამართლო ვერ გაიზიარებს”, - განაცხადა ჯარჯი წიკლაურმა. 
წაკითხვა
პოლიტიკა
მეუფე პეტრე: სასამართლოს - შეხვედრამდე სამოთხეში
გამოქვეყნებულია: 2017-07-21 11:17:00
 ჭყონდიდელი მიტროპოლიტის, მეუფე პეტრეს განცხადებით, ის სასამართლოს ამ სიტყვებით დაემშვიდობა - "შეხვედრამდე სამოთხეში".         მეუფე პეტრეს განცხადებით, სასამართლო პროცესზე ის კიდევ ერთხელ დარწმუნდა, ”თუ როგორი ტენდენციურია ბრალდება”.       ”ღმერთმა მოგვმადლოს, რომ ყველანი, ბრალმდებელი თუ ბრალდებული, ყოველმა ჩვენთგანმა ერთად ვიზეიმოთ ცათა სასუფეველში დამკვიდრება და ჩვენი ცხოვრება შესაბამისად, უნდა იყოს მართალი და პატიოსანი", - დასძინა მეუფე პეტრემ.
წაკითხვა
პოლიტიკა
ელჩი: საქართველოს მოქალაქეები არ დაშავებულან
გამოქვეყნებულია: 2017-07-21 11:11:00
       თურქეთში მომხდარი მიწისძვრის შედეგად საქართველოს მოქალაქეები არ დაშავებულან. ამის შესახებ თურქეთში საქართველოს ელჩმა, ირაკლი კოპლატაძემ განაცხადა.        ელჩის განმარტებით, საქართველოს მოქალაქეებისგან, რომლებიც ბოდრუმში ისვენებდნენ ცხელ ხაზზე რამდენიმე ზარი შევიდა, თუმცა დაშავების ან რაიმე პრობლემის შესახებ მათ არ მიუმართავთ.         ”მიწისძვრის ეპიცენტრი იყო საბერძნეთის მხარეს, ეგეოსის ზღვაზე და თურქეთში, კერძოდ ბოდრუმში, საკმაოდ ძლიერი მიწისძვრა 6,3 ბალი დაფიქსირდა. თურქეთში დაზიანებულია ძველი შენობები და რაც მთავარია მსხვერპლი არ არის. სულ 90 ადამიანია დაშავებული. შეინიშნებოდა შიში და პანიკური მდგომარეობა. ღამის განმავლობაში საქართველოს მოქალაქეების მხრიდან ვინც იქ ისვენებს, ცხელ ხაზზე იყო შემოსული ზარები და ძირითადად შიშის მომენტი ჰქონდათ. საქართველოს მოქალაქეები მისწისძვრის შედეგად არ დაშავებულან”, - განაცხადა ირაკლი კოპლატაძემ.
წაკითხვა
პოლიტიკა
თურქეთში მიწისძვრის შედეგად დაშავებულებს შორის საქართველოს მოქალაქეები არ არიან
გამოქვეყნებულია: 2017-07-21 11:09:00
 ამ დროისთვის არსებული ინფორმაციით, თურქეთში მიწისძვრის შედეგად საქართველოს მოქალაქეები არ დაშავებულან. როგორც თურქეთში საქართველოს საელჩოს მრჩეველი გელა ჯაფარიძე აცხადებს, მსუბუქი დაზიანებებით სამედიცინო დაწესებულებებს 70-მდე ადამიანმა მიმართა, თუმცა მათ შორის ქართველები არ არიან.       ეგეოსის ზღვაში ძლიერ მიწისძვრას მსხვერპლი და ნგრევა მოჰყვა. ზიანი მიადგა თურქეთში ბოდრუმისა და მარმარისის ტურისტულ ზონებს. საბერძნეთის კუნძულ კოსზე კი მიწისძვრის შედეგად 2 ადამიანი დაიღუპა, დაშავებულია 100-მდე მოქალაქე. „როიტერის“ ინფორმაციით, მიწისძვრის სიმძლავრემ 6,7 მაგნიტუდა შეადგინა. სტიქიამ ცუნამი და ნგრევა გამოიწვია. 
წაკითხვა
პოლიტიკა
ეგეოსის ზღვაში ძლიერ მიწისძვრას მსხვერპლი და ნგრევა მოჰყვა
გამოქვეყნებულია: 2017-07-21 11:08:00
საბერძნეთის კუნძულ კოსზე მომხდარი მიწისძვრის შედეგად 2 ადამიანი დაიღუპა, დაშავებულია 100-მდე მოქალაქე. „როიტერის“ ინფორმაციით, მიწისძვრის სიმძლავრემ 6,7 მაგნიტუდა შეადგინა. სტიქიამ ცუნამი და ნგრევა გამოიწვია.          შემთხვევის ადგილებზე მობილიზებულია სამაშველო სამსახურისა და სასწრაფო დახმარების ჯგუფები. წინასწარი ვარაუდით, მსხვერპლისა და დაშავებულების რაოდენობა გაიზრდება.       აშშ-ის გეოლოგიური სამსახურის ინფორმაციით, მიწისძვრის ეპიცენტრი ეგეოსის ზღვაში, კუნძულიდან 16 კილომეტრში იყო.         მიწისქვეშა ბიძგები დაფიქსირდა თურქეთში ეგეოსის ზღვის სანაპიროზეც. ბოდრუმისა და მარმარისის ტურისტულ ზონას ზიანი მიადგა.         6, 7 მაგნიტუდის სიმძლავრის მიწისვრას თურქეთში მსხვერპლი არ მოჰყოლია, თუმცა არიან დაშავებულები.      რაც შეეხებათ თურქეთში მყოფ საქართველოს მოქალაქეებს, მათი დაშავების შესახებ ამ ეტაპზე ინფორმაცია არ ვრცელდება. 
წაკითხვა
პოლიტიკა
თალაკვაძე:პრეზიდენტის შენიშვნებს ყურადღებით განვიხილავთ
გამოქვეყნებულია: 2017-07-21 11:06:00
მიუხედავად იმისა, რომ “ვეტოურთიერთობა” არ არის თანამშრომლობის საუკეთესო ფორმა, პრეზიდენტის შენიშვნებს ყურადღებით განვიხილავთ.  აცხადებს საპარლამენტო უმრავლესობის ლიდერი არჩილ თალაკვაძე.          „ჩვენ ვიმუშავეთ და მივიღეთ ეს კანონები. პრეზიდენტმა და მისმა ადმინისტრაციამ იმუშავა და ვეტო დაადო ამ კანონებს. პრეზიდენტმა იცის, რომ ვეტოს დაძლევა პარლამენტს შეუძლია, თუმცა, ალბათ ელის, რომ მის მოსაზრებებს გავეცნობით და ისე მივიღებთ გადაწყვეტილებას. მიუხედავად იმისა, რომ “ვეტოურთიერთობა” არ არის თანამშრომლობის საუკეთესო ფორმა, მის შენიშვნებს პარლამენტში ყურადღებით განვიხილავთ“, - განაცხადა თალაკვაძემ.        
წაკითხვა
პოლიტიკა
პრეზიდენტმა “ადგილობრივი თვითმმართველობის კოდექსსა” და „საარჩევნო კოდექსში“ შესატან ცვლილებებს ვეტო დაადო
გამოქვეყნებულია: 2017-07-21 11:05:00
საქართველოს პრეზიდენტმა, გიორგი მარგველაშვილმა “ადგილობრივი თვითმმართველობის კოდექსსა” და „საარჩევნო კოდექსში“ შესატან ცვლილებებს ვეტო დაადო.  განცხადება საქართველოს პრეზიდენტმა გუშინ გამართულ ბრიფინგზე გააკეთა.       შესაბამისად, ქვეყნის პირველი პირი აღნიშნულ ცვლილებებთან დაკავშირებით პარლამენტს მოტივირებულ შენიშვნებს გადაუგზავნის.        “ადგილობრივი თვითმმართველობის კოდექსში” დაგეგმილი ცვლილებებით, შვიდი თვითმმართველი ქალაქის გაუქმება და მათი მუნიციპალურ თემებთან გაერთიანება მოხდა. შესაბამისად, ჯერ კიდევ არსებული 12 თვითმმართველი ქალაქი 5-მდე შემცირდა. კოდექსში შეტანილი ცვლილებებით, მუნიციპალური თემებთან შემდეგი თვითმმართველი ქალაქის გაერთიანება ხდება, ესენია - ზუგდიდი, ოზურგეთი, გორი, თელავი, ახალციხე, მცხეთას და ამბროლაური.       რაც შეეხება „საარჩევნო კოდექსში“ შესატან ცვლილებებს, საარჩევნო ადმინისტრაციაში პარტიების მიერ წევრების დანიშვნა დამოკიდებული იქნება პარტიის მიერ ბოლო საპარლამენტო არჩევნებში მიღებული ხმების რაოდენობაზე, ნაცვლად დღეს არსებული წესისა, რომლის მიხედვით, საარჩევნო კომისიებში წევრის დანიშვნა პარტიის მიერ სახელმწიფო ბიუჯეტიდან მიღებულ დაფინანსებაზეა დამოკიდებულია. არსებული წესისგან განსხვავებით, აღნიშნული ცვლილებებით პარტიას საარჩევნო ადმინისტრაციაში ერთზე მეტი წევრის დანიშვნის უფლება ექნება.
წაკითხვა
პოლიტიკა
ბესელია:გია კორკოტაშვილის პატრიოტიზმსა და მის სულისკვეთებაში ეჭვი არ მეპარება
გამოქვეყნებულია: 2017-07-20 12:59:00
გიას პატრიოტიზმსა და მის სულისკვეთებაში ეჭვი არ მეპარება-ამის შესახებ საპარლამენტო უმრავლესობის წევრმა ეკა ბესელიამ ე.წ. ქართველთა მარშის ერთ-ერთი ორგანიზატორის გია კორკოტაშვილის შესახებ დასმული კითხვის საპასუხოდ განაცხადა.,,გამოძიების პროცესში ჩვენ არ ჩავერევით და არ აქვს უფლება არც ერთ პოლიტიკოსს გავლენა მოახდინოს გამოძიების მიმდინარეობაზე. მე გიას პატრიოტიზმში ეჭვი არ მეპარება ნამდვილად და მის პატრიოტულ სულისკვეთებაში. კონკრეტულ მუქარის ფაქტის საქმეზე გამოძიებამ უნდა იმუშაოს ისე, რომ ობიექტურად, ყოველგვარი მიკერძოების გარეშე მოხდეს ყველა მოქმედების ჩატარება. არავითარი პოლიტიკური განცხადებები არ სჭირდება ამ პროცესს", აღნიშნა ბესელიამ.შეგახსენებთ, გია კორკოტაშვილი თათია დოლიძის ერთ-ერთ სტატუსზე დაწერილ მუქარებსა და შეურაცხმყოფელ კომენტარებთან დაკავშირებით მიმდინარე გამოძიებაზე უნდა გამოიკითხოს.
წაკითხვა
პოლიტიკა
"ამბასადორიალი 2017"-ის მესამე დღე
გამოქვეყნებულია: 2017-07-20 12:56:00
 "ამბასადორიალი 2017"-ის მესამე დღის ძირითადი განსახილველი თემები რუსეთ-საქართველოს კონფლიქტი და სამშვიდობო პოლიტიკა, ევროპული და ევროატლანტიკური ინტეგრაციაა.       საქართველოს საგარეო საქმეთა მინისტრის მოადგილის თქმით, არაღიარების მიმართულებით საქართველოს წარმატებები აქვს.             „არის წარმატებები, განსაკუთრებით არაღიარების მიმართულებით, საერთაშორისო მხარდაჭერის კონსოლიდაციით. მაგრამ, ამის პარალელურად ვხედავთ, რომ კვლავ გრძელდება ოკუპაცია, სახეზეა რუსეთის ანექსიური ქმედებები ჩვენს ოკუპირებულ ტერიტორიებზე და კიდევ უფრო რთულდება ოკუპირებულ ტერიტორიებზე დარჩენილი ქართველი მოსახლეობის ჰუმანიტარული მდგომარეობა,“ - აცხადებს დავით დონდუა.          ფორუმზე დღეს თემატური სამუშაო შეხვედრები იმართება და ამ ფორმატში განიხილავენ უცხო ქვეყნებთან და საერთაშორისო ორგანიზაციებთან ურთიერთობებს, ასევე, დიასპორასთან ურთიერთობის საკითხებს. "ამბასადორიალი" ხვალ დასრულდება. 
წაკითხვა

უახლესი